மோட்டார் சைக்கிள் மீது லாரி மோதி காவலாளி பலி

பாப்பிரெட்டிப்பட்டி:

பாப்பிரெட்டிப்பட்டி அடுத்த ஏ.பள்ளிபட்டியை சேர்ந்தவர் ரவி (வயது 53). இவர் தனியார் நிறுவனத்தில் காவலாளியாக பணியாற்றி வந்தார். இவருக்கு மனைவி, இரு மகள்கள் உள்ளனர். இந்த நிலையில் நேற்று மதியம் ரவி தனது மோட்டார் சைக்கிளில் ஏ.பள்ளிப்பட்டியில் இருந்து பாப்பிரெட்டிப்பட்டிக்கு சென்றார். பின்னர் அம்மன் நகர் அருகே வந்தபோது எதிரில் டைல்ஸ் பாரம் ஏற்றி கொண்டு வந்த சரக்கு லாரி மோட்டார் சைக்கிள் மீது மோதியது. இதில் படுகாயம் அடைந்த அவரை அங்கிருந்தவர்கள் மீட்டு பாப்பிரெட்டிப்பட்டி அரசு ஆஸ்பத்திரியில் சேர்த்தனர். அங்கு சிகிச்சை பலனின்றி ரவி இறந்தார்.

இதுகுறித்து ஏ.பள்ளிப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.