பென்னாகரம் வனப்பகுதியில்உடும்பை வேட்டையாடிய முதியவர் கைது

பென்னாகரம்:

தர்மபுரி மாவட்டம் பென்னாகரம் வன சரகம் பேவனூர் காப்புக்காடு பகுதியில் வனச்சரக அலுவலர் செந்தில்குமார் தலைமையில் வனத்துறையினர் ரோந்து பணியில் ஈடுபட்டனர். அப்போது வீரமணி குட்டை சரகத்திற்கு உட்பட்ட வனப்பகுதியில் இருந்து ஒருவர் கையில் பையுடன் வந்தார். அவரை பிடித்து வனத்துறையினர் விசாரணை நடத்தினர். அவர் பென்னாகரம் அருகே கொட்டத்தண்டுகாடு பகுதியைச் சேர்ந்த அண்ணாமலை (வயது 61) என்பதும், உடும்பை வேட்டையாடி கொண்டு வந்ததும் தெரியவந்தது. இதையடுத்து அவரை வனத்துறையினர் கைது செய்தனர். அவரிடம் இருந்து உடும்பு கறியை பறிமுதல் செய்தனர். பென்னாகரம் வன சரகத்திற்கு உட்பட்ட காப்புக்காடுகளில் அத்துமீறி நுழைந்து வனவிலங்குகளை வேட்டையாடுதல், வனவிலங்குகளின் இறைச்சியை விற்பனை செய்பவர்கள் மீது கடும் நடவடிக்கை எடுக்கப்படும் என வனத்துறையினர் எச்சரித்துள்ளனர்.