கந்தம்பாளையம் பஸ் நிறுத்தத்தில்பொதுமக்களுக்கு இடையூறு செய்த வாலிபர் கைது

கந்தம்பாளையம்:

கந்தம்பாளையம் அருகே ராமதேவம் வடுகபாளையத்தை சேர்ந்தவர் லோகநாதன். இவருடைய மகன் இளவரசன் (வயது 20). இவர் அப்பகுதியில் உள்ள பெட்ரோல் பங்கில் வேலை செய்து வருகிறார். இந்த நிலையில் நேற்று மாலை இளவரசன் கந்தம்பாளையம் பஸ் நிறுத்தத்தில் நின்று கொண்டு தகராறில் ஈடுபட்டதுடன், தகாத வார்த்தைகளை பேசியதாக கூறப்படுகிறது. மேலும் பொதுமக்களுக்கு இடையூறாக அச்சுறுத்தும் வகையில் நடந்து கொண்டதாகவும் தெரிகிறது.

தகவல் அறிந்து அங்கு சென்ற நல்லூர் போலீசார் இளவரசனிடம் விசாரித்தனர். அதில் அவர் மீது கொலை வழக்குப்பதிவு நிலுவையில் உள்ளதும், பொதுமக்களுக்கு அச்சுறுத்தும் வகையில் நடந்து கொண்டதும் தெரியவந்தது. இதையடுத்து போலீசார் எச்சரித்தும் அங்கிருந்து செல்லாததால் இளவரசன் கைது செய்யப்பட்டார்.