காஞ்சீபுரம் மாவட்டத்தில் வாக்காளர் அடையாள அட்டையுடன் ஆதார் இணைக்கும் முகாம்

காஞ்சீபுரம்,

இந்திய தேர்தல் ஆணையம், வாக்காளர்களின் தனித்தகவல்களை உறுதிபடுத்திடவும், ஒரு வாக்காளரின் விவரங்கள் ஒரே தொகுதியில் இருவெவ்வேறு இடங்களில் இடம் பெறுதலை தவிர்க்கும் பொருட்டு வாக்காளர் அடையாள அட்டை எண்ணுடன் ஆதார் எண்ணை இணைக்கும் பணியினை 1-ந் முதல் தொடங்க உத்தரவிட்டது.

அதன்படி காஞ்சீபுரம் மாவட்டத்திற்குட்பட்ட 4 சட்டமன்ற தொகுதிகளில் அடங்கியுள்ள வாக்காளர்கள் தாமாக முன்வந்து http://www.nvsp.in என்ற இணையதளத்திலும், Voter helpline என்ற செயலி மூலமாகவும் அல்லது வாக்குச்சாவடி நிலைய அலுவலர்கள் கொண்டுவரும் படிவம் 6-பி யினை பூர்த்தி செய்து கொடுத்து தங்கள் பகுதிக்குட்பட்ட உதவி வாக்காளர் பதிவு அலுவலர்கள், வாக்காளர் உதவி மையம், இ-சேவை மையம், மக்கள் சேவை மையம் மற்றும் சிறப்பு முகாம் நாட்களில் அலுவலர்களை அணுகியும், ஆதார் எண்ணை சமர்பித்து அதனை வாக்காளர் அடையாள அட்டை எண்ணுடன் இணைத்து பதிவு செய்து கொள்ளலாம்.

இவ்வாறு அதில் கூறப்பட்டு இருந்தது