பொதுமக்களுக்கு இடையூறாக சுற்றித்திரியும் கால்நடைகள்

சீர்காழி

சீர்காழி நகர் பகுதிக்குட்பட்ட தென்பாதி, மயிலாடுதுறை சாலை, புதிய பஸ் நிலையம், பழைய பஸ் நிலையம், தேர் மேலவீதி, வடக்குவீதி, பிடாரி வடக்கு வீதி, ஈசானிய தெரு, கொள்ளிடம் முக்கூட்டு, கடைவீதி, ெரயில்வே ரோடு, சிதம்பரம் சாலை, தாடாளன் கோவில் உள்ளிட்ட பகுதிகளில் உள்ள சாலைகளில் கால்நடைகள் குறுக்கும் நெடுக்குமாக செல்கிறது. மேலும் சாலையில் செல்வோரை முட்டி கீழே தள்ளுகிறது. இதனால் பொதுமக்கள் சாலையில் அச்சத்துடன் செல்ல வேண்டிய நிலை இருந்து வருகிறது. மேலும் சாலையில் செல்லும் கால்நடைகள் திடீரென சாலையின் குறுக்கே செல்வதால் அடிக்கடி வாகன விபத்துகள் ஏற்பட்டு வருகிறது. எனவே சம்பந்தப்பட்ட அதிகாரிகள் சாலைகளில் சுற்றித்திரியும் கால்நடைகளை பிடித்து அப்புறப்படுத்த வேண்டும். மேலும் கால்நடை உரிமையாளர் மீது நடவடிக்கை எடுக்க வேண்டும் என தொடர்ந்து கோரிக்கை விடுத்து வருகின்றனர்.