கல்லூரிக்கு சென்ற 2 மாணவிகள் மாயம்

கொட்டாம்பட்டி,

கொட்டாம்பட்டி அருகே கல்லூரிக்கு சென்ற 2 மாணவிகள் மாயமாகி விட்டனர். இதுகுறித்து போலீசார் விசாரணை நடத்தி வருகின்றனர்.

நெருங்கிய தோழிகள்

கொட்டாம்பட்டி அருகே உள்ள கச்சிராயன்பட்டியை சேர்ந்த மாணவி அரசு கல்லூரில் 3-ம் ஆண்டு படித்து வருகிறார். அதே ஊரை 18 வயது மாணவி கல்லூரியில் 2-ம் ஆண்டு படித்து வருகிறார். மாணவிகள் கல்லூரிக்கு ஒன்றாக செல்வதால் நெருங்கிய தோழிகளாக இருந்து வந்துள்ளனர்.

இந்தநிலையில் 18 வயது மாணவிக்கு அவரது பெற்றோர் திருமண ஏற்பாடு செய்து வருகின்றனர். கடந்த 18-ந்தேதி 2 மாணவிகளும் காலையில் ஒன்றாக கல்லூரிக்கு சென்று உள்ளனர். மாலையில் நீண்ட நேரம் ஆகியும் வீட்டிற்கு வராததால் சந்தேகம் அடைந்த பெற்றோர் விசாரித்ததில் மாணவிகள் 2 பேரும் கல்லூரிக்கு வரவில்லை என தெரியவந்தது.

விசாரணை

இதையடுத்து பெற்றோர் மற்றும் உறவினர்கள் பல்வேறு இடங்களில் தேடியும் கிடைக்க வில்லை. இதுகுறித்து மாணவிகளின் பெற்றோர் கொடுத்த புகாரின் பேரில் கொட்டாம்பட்டி போலீசார் வழக்குப்பதிவு செய்து தீவிர விசாரணை நடத்தி வருகின்றனர்.