17-வது நாளாக விவசாயிகள் போராட்டம்

கோத்தகிரி

எம்.எஸ்.சுவாமி நாதன் கமிட்டி பரிந்துரை மற்றும் சென்னை ஐகோர்ட்டு தீர்ப்பின் படி பச்சை தேயிலை கிலோவுக்கு குறைந்தபட்ச கொள்முதல் விலையாக ரூ.33.75 வழங்க நடவடிக்கை எடுக்க வேண்டும். தேயிலை வாரியம் உடனடியாக 30 ஏ சட்டத்தை அமல்படுத்த வேண்டும் என்பது உள்ளிட்ட கோரிக்கைகளை வலியுறுத்தி நாக்குபெட்டா படுகர் நல சங்கம் சார்பில், கோத்தகிரி நட்டக்கல் பகுதியில் கடந்த 1-ந் தேதி முதல் விவசாயிகள் உண்ணாவிரத போராட்டம் நடத்தி வருகின்றனர். இந்தநிலையில் நேற்று 17-வது நாளாக உண்ணாவிரத போராட்டம் நடந்தது. இதில் பொரங்காடு சீமைக்கு உட்பட்ட கிராமங்களை சேர்ந்த நிர்வாகிகள், விவசாயிகள் கலந்துகொண்டனர்.