டிராக்டர் மோதி பெண் பலி

காரிமங்கலம்

தர்மபுரி மாவட்டம் காரிமங்கலம் அடுத்த சின்னாண்டியூர் கிராமத்தை சேர்ந்தவர் சாலம்மாள் (வயது 54). இவர் தனது வீட்டின் அருகே நின்று கொண்டிருந்தார். அதே பகுதியை சேர்ந்த புட்டன் மகன் குமார் (30) என்பவர் தனது டிராக்டரில் காட்டு சீகலஅள்ளியில் இருந்து முக்குளம் நோக்கி சென்று கொண்டிருந்தார். அப்போது டிரைவரின் கட்டுப்பாட்டை இழந்த டிராக்டர் சாலையோரம் நின்று கொண்டிருந்த சாலம்மாள் மீது மோதியது. இதில் தலையில் பலத்த காயம் அடைந்த சாலம்மாள் சம்பவ இடத்திலேயே பரிதாபமாக இறந்தார். இதுகுறித்து காரிமங்கலம் போலீசாருக்கு தகவல் தெரிவித்தனர். அதன்பேரில் சம்பவ இடத்துக்கு விரைந்து சென்ற போலீசார் சாலம்மாளின் உடலை கைப்பற்றி பிரேத பரிசோதனைக்காக தர்மபுரி அரசு மருத்துவமனைக்கு அனுப்பி வைத்தனர். இந்த விபத்து குறித்து காரிமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.