காரில் கடத்த முயன்ற ரூ.3 லட்சம் குட்கா பறிமுதல்

ஓசூர்:

ஓசூர் டவுன் போலீசாருக்கு கிடைத்த ரகசிய தகவலின்பேரில் ரிங்ரோடு கொத்தூர் ஜங்ஷன் பகுதியில் வாகன சோதனையில் ஈடுபட்டனர். அப்போது அந்த வழியாக வந்த காரை நிறுத்தி சோதனை செய்தனர். அதில், ரூ.3 லட்சத்து 30 ஆயிரத்து 432 மதிப்புள்ள தடை செய்யப்பட்ட 467 கிலோ குட்கா மற்றும் ரூ.2 ஆயிரத்து 683 மதிப்புள்ள 48 மதுபாட்டில்கள் இருந்தது தெரிய வந்தது. அவற்றையும், காரையும் போலீசார் பறிமுதல் செய்தனர். தொடர்ந்து போலீசார் நடத்திய, விசாரணையில், பெங்களூருவில் இருந்து கோவைக்கு குட்கா, மதுபாட்டில்களை கடத்த முயன்ற தெரிய வந்தது.

இது தொடர்பாக, கோவையை சேர்ந்த தினேஷ் (வயது 24) மற்றும் டிரைவர் மலராம் (28) ஆகிய 2 பேரை போலீசார் கைது செய்தனர்.