திருவண்ணாமலையில் மழை

திருவண்ணாமலை

திருவண்ணாமலையில் நேற்று காலையில் வெயில் சுட்டெரித்தது. இதனால் சாலையில் அனல் காற்று வீசியதால் வாகன ஓட்டிகள் அவதிப்பட்டனர். திருவண்ணாமலையில் நேற்று வெயில் அளவு 99.2 டிகிரியாக பதிவானது.

மாலை 5 மணி அளவில் திடீரென வானம் மேகமூட்டத்துடன் காணப்பட்டது. பின்னர் இடி, மின்னல், காற்றுடன் மழை பெய்தது. ஒரு மணி நேரத்திற்கு மேலாக பெய்த மழையால் குண்டும், குழியுமான சாலையில் மழைநீர் தேங்கியது. இரவில் குளிர்ந்த காற்று வீசியதால் மக்கள் மகிழ்ச்சி அடைந்தனர்.