சிறுமிக்கு பாலியல் தொல்லை; போக்சோவில் லாரி கிளீனர் கைது

திருச்சி காஜாமலை கோகுலம் காலனியை சேர்ந்தவர் சரவணக்குமார். இவரது மகன் கர்ணன் (வயது 20), லாரி கிளீனர். இவர் திருச்சியை சேர்ந்த 15 வயது சிறுமியை காதலித்து வந்துள்ளார். கடந்த 26-ந்தேதி கர்ணன் அந்த சிறுமியை மதுரைக்கு அழைத்து சென்று பாலியல் தொந்தரவு கொடுத்துள்ளதாக கூறப்படுகிறது.

இது குறித்து சிறுமியின் பெற்றோர் அளித்த புகாரின் பேரில் திருச்சி அனைத்து மகளிர் போலீசார் கர்ணனை போக்சோ சட்டத்தின் கீழ் கைது செய்தனர்.