மேட்டூர் அணைக்கு வரும் நீர்வரத்து 35,237 கன அடியாக குறைவு

சேலம்,

காவிரி நீர் பிடிப்பு பகுதிகளில் பெய்து வரும் தொடர்மழை காரணமாக மேட்டூர் அணைக்கு வரும் நீர்வரத்தி அதிகரித்தது. கடந்த 16-ம் தேதி மேட்டூர் அணை முழு கொள்ளளவான 120 அடியை எட்டியது. இதையடுத்து அணைக்கு வரும் நீர் முழுவதும் காவிரி ஆற்றில் உபரி நீராக வெளியேற்றப்பட்டு வருகிறது.

இந்த நிலையில் நேற்றைய தினம் மேட்டூர் அணைக்கான நீர்வரத்து 42 ஆயிரம் கன அடியாக இருந்த நிலையில், இன்று நீர்வரத்து வினாடிக்கு 35,237 கன அடியாக குறைந்துள்ளது. அணையில் இருந்து வினாடிக்கு 37,000 கனஅடி நீர் காவிரி ஆற்றில் உபரியாக வெளியேற்றப்படுகிறது. அணை நீர்மட்டம் 120.25 அடியாக உள்ளது. அணையின் நீர் இருப்பு 93.87 டி.எம்.சி. ஆக உள்ளது.