விபத்தில் காயம் அடைந்த வாலிபர் சாவு

பாளையங்கோட்டை சித்திரைவேலைக்காரன் தெருவை சேர்ந்தவர் மருதமுத்து. இவரது மகன் சரவண கார்த்திகேயன் (வயது 30). பெயிண்டரான இவர் கடந்த சில நாட்களுக்கு முன்பு மோட்டார் சைக்கிளில் சென்ற போது நிலைதடுமாறி கீழே விழுந்தார். இதில் பலத்த காயம் அடைந்த அவரை அக்கம்பக்கத்தினர் மீட்டு பாளையங்கோட்டை அரசு ஆஸ்பத்திரியில் சிகிச்சைக்காக சேர்த்தனர். அங்கு அவருக்கு சிகிச்சை அளிக்கப்பட்டு வந்தது. இந்த நிலையில் சிகிச்சை பலன் அளிக்காமல் சரவண கார்த்திகேயன் பரிதாபமாக உயிர் இழந்தார்.

இந்த சம்பவம் குறித்து மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.