'தி கேரளா ஸ்டோரி'..! திரையரங்கில் பேனர்களை கிழித்து போராட்டத்தில் ஈடுபட்ட தமுமுக கட்சியினர் - சென்னையில் பரபரப்பு

சென்னை,

இந்தி இயக்குனர் சுதீப்டோ சென், 'தி கேரளா ஸ்டோரி' என்ற பெயரில் திரைப்படம் இயக்கி உள்ளார். இந்த படத்தின் ''டீசர்'' சமீபத்தில் வெளியானது. அதில் கேரளாவில் இருந்து 32 ஆயிரம் இளம்பெண்கள் மாயமாவது போன்றும், அவர்கள் பயங்கரவாத அமைப்பில் சேருவது போன்றும் காட்சிகள் இடம் பெற்றன. இது கேரளாவில் பெரும் சர்ச்சையை ஏற்படுத்தியது. இந்த படத்திற்கு தடை செய்ய வேண்டும் என்று கேரள அரசுக்கு பல்வேறு தரப்பினரும் கோரிக்கை விடுத்து இருந்தனர். எனினும் இந்த படம் கடும் எதிர்ப்புக்கு இடையே கேரள திரையரங்குகளில் வெளியாகியுள்ளது. தமிழகத்திலும் இன்று இந்த திரைப்படம் வெளியானது,

இந்த நிலையில் 'தி கேரளா ஸ்டோரிஸ்' திரைப்படத்திற்கு எதிர்ப்பு தெரிவித்து தமிழ்நாடு முஸ்லீம் முன்னேற்றக் கழகத்தினர் போராட்டத்தில் ஈடுபட்டனர்.

தி.நகரில் உள்ள திரையரங்கம் முன்பு தமிழ்நாடு முஸ்லீம் முன்னேற்றக் கழகத்தினர் போராட்டத்தில் ஈடுபட்டனர்.

திரையரங்கின் வெளியே இருந்த படங்களின் பேனர்கள் கிழித்து போராட்டத்தில் ஈடுபட்டனர் .இந்த போராட்டத்தில் 40க்கும் மேற்பட்டோரை போலீசார் கைது செய்தனர்.

'தி கேரளா ஸ்டோரி'... திரையரங்கில் பேனர்களை கிழித்து போராட்டத்தில் ஈடுபட்ட தமுமுக கட்சியினர் - சென்னையில் பரபரப்பு#thekeralastory #chennai #theatre #protest #thanthitv https://t.co/5D1vefkHpf

— Thanthi TV (@ThanthiTV) May 5, 2023