ஆர்.எஸ்.மங்கலம்,

ராமநாதபுரம் மாவட்டம் ஆர்.எஸ்.மங்கலம் அருகே அழகர்தேவன் கோட்டை ஊராட்சி அண்ணாமலை கிராமத்தைச் சேர்ந்த சுரேஷ் (வயது 42), இதே ஊரைச் சேர்ந்த கணேஷ் பிரபு (40), கண்ணன் (40) பதினெட்டான் (49) நெடும்புலிகோட்டை கிராமத்தை சேர்ந்த பிரபாகரன் (40) ஆகிய 5 பேரும் சம்பவத்தன்று இரவு திருச்சி-ராமேசுவரம் தேசிய நெடுஞ்சாலை அருகே உள்ள கணேஷ் மகால் எதிரே பாலத்தின் தடுப்பு சுவரில் உட்கார்ந்து பேசிக் கொண்டிருந்தனர். அப்போது அந்த வழியாக வந்த சரக்கு வேன் டிரைவரின் கட்டுப்பாட்டை இழந்து பாலத்தில் மோதியது. இதில் பாலத்தில் உட்கார்ந்திருந்த 5 பேரின் கால்களும் முறிந்தன. படுகாயம் அடைந்த 5 பேரும் ராமநாதபுரம் அரசு ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார்கள். இது குறித்த புகாரின் பேரில் வேன் டிரைவர் கரூர் என்.புதூர் மன்மங்கலத்தை சேர்ந்த குருசாமி(36) கைது செய்யப்பட்டார்.