தனியார் பள்ளி முதல்வர் வீட்டில் திருடியவர் கைது

சிவகங்கை,

சிவகங்கை அடுத்த ஒக்கூர் புதூர் பகுதியில் உள்ள ஒரு தனியார் மெட்ரிக் பள்ளியில் முதல்வராக பணிபுரிபவர் சீலி(வயது 62). சம்பவத்தன்று மாலையில் சீலி வீட்டை விட்டு வெளியே சென்றிருந்தார். அப்போது மர்ம நபர் வீட்டின் கதவை உடைத்து உள்ளே சென்று பீரோவில் இருந்த ரூ.1 லட்சத்து 90 ஆயிரம் மற்றும் 2 செல்போன்களை திருடி சென்றுவிட்டார். இது தொடர்பாக சிவகங்கை நகர் குற்றப்பிரிவு சப்-இன்ஸ்பெக்டர் ராதாகிருஷ்ணன் வழக்குப்பதிவு செய்து விசாரணை நடத்தினார். விசாரணையில் ஊத்திகுளத்தை சேர்ந்த பிரகாஷ் (44) என்பவர் திருட்டு சம்பவத்தில் ஈடுபட்டது தெரியவந்தது. இதை தொடர்ந்து அவரை கைது செய்து அவரிடமிருந்து திருடப்பட்ட பணம் மற்றும் செல்போன் ஆகியவற்றை போலீசார் பறிமுதல் செய்தனர்.