வெள்ளிபட்டறை தொழிலாளியை தாக்கியவர் கைது

சூரமங்கலம்:-

சேலம் கந்தம்பட்டி அங்காளம்மன் கோவில் தெருவை சேர்ந்த தங்கவேல் மகன் கார்த்திக் (வயது 30), வெள்ளிபட்டறை தொழிலாளி. அதே பகுதியைச் சேர்ந்தவர் சங்கர் (33). இவர், கார்த்திக் வீட்டிற்கு அருகில் மது அருந்தி உள்ளார், இதனை கார்த்திக், அவருடைய தந்தை தங்கவேல் இருவரும் கண்டித்துள்ளார். இதில் ஆத்திரம் அடைந்த சங்கர், அவர்கள் இருவரையும் தகாத வார்த்தைகளால் பேசி தாக்கியதாக கூறப்படுகிறது. இதில் தங்கவேல், கார்த்திக் இருவரும் காயம் அடைந்தனர். அவர்கள் சூரமங்கலம் போலீசில் புகார் செய்தனர். புகாரின் பேரில் சப்-இன்ஸ்பெக்டர் வசந்தகுமார் வழக்குப்பதிவு செய்து விசாரணை நடத்தி சங்கரை கைது செய்தனர்.