கணவன்-மனைவியை தாக்கிய வாலிபர் கைது

தியாகதுருகம்,

தியாகதுருகம் அருகே வடதொரசலூர் கிராமத்தை சேர்ந்தவர் பழனி (வயது 54). இவருக்கும் அதே பகுதியை சேர்ந்த கிருஷ்ணமூர்த்தி (55) என்பவருக்கும் பொதுப்பாதை சம்பந்தமாக பிரச்சினை ஏற்பட்டு முன் விரோதம் இருந்து வந்துள்ளது. இந்நிலையில் சம்பவத்தன்று கிருஷ்ணமூர்த்தி அவரது மகன் கட்டையன் என்கிற பெரியசாமி (33) ஆகியோர் பழனி மற்றும் அவரது மனைவி செல்வி ஆகியோரை திட்டி, தாக்கியதாக கூறப்படுகிறது. இதுகுறித்த புகாரின் பேரில் தியாகதுருகம் போலீசார் வழக்கு பதிவு செய்து பெரியசாமியை கைது செய்தனர். மேலும் கிருஷ்ணமூர்த்தியை வலைவீசி தேடி வருகின்றனர்.