தே.மு.தி.க. விலகியதால் கூட்டணிக்கு பாதிப்பு இல்லை - பா.ஜ.க. மாநில தலைவர் எல்.முருகன் தகவல்


தே.மு.தி.க. விலகியதால் கூட்டணிக்கு பாதிப்பு இல்லை - பா.ஜ.க. மாநில தலைவர் எல்.முருகன் தகவல்
x
தினத்தந்தி 10 March 2021 2:42 AM GMT (Updated: 2021-03-10T08:12:56+05:30)

தே.மு.தி.க. விலகியதால் கூட்டணிக்கு பாதிப்பு இல்லை என்று பா.ஜ.க. மாநில தலைவர் எல்.முருகன் தெரிவித்துள்ளார்.

சென்னை, 

சென்னை, கோயம்பேட்டில் உள்ள பா.ஜ.க. தேர்தல் அலுவலகத்தில் பா.ஜ.க. மாநில தலைவர் எல்.முருகன் மாநில நிர்வாகிகளுடன் தேர்தல் தொடர்பாக நேற்று ஆலோசனை நடத்தினார். இதில் தேர்தல் அறிக்கை இறுதி செய்வது குறித்து ஆலோசிக்கப்பட்டது. பா.ஜ.க.விற்கு ஒதுக்கப்பட்ட 20 தொகுதிகளிலும் வெற்றி பெறுவதற்கான வியூகங்கள் குறித்து விவாதிக்கப்பட்டது.

பின்னர் எல்.முருகன் செய்தியாளர்களுக்கு பேட்டி அளித்தார். அப்போது கூறியதாவது:-

தே.மு.தி.க. விலகியதால் கூட்டணிக்கு பாதிப்பு இல்லை. பா.ஜ.க. அங்கம் வகிக்கும் அ.தி.மு.க. கூட்டணி வெற்றி பெறும். பா.ஜ.க.விற்கு ஒதுக்கப்பட்ட 20 தொகுதிகளில் போட்டியிடும் வேட்பாளர் பெயர்கள் இறுதி செய்யப்பட்டுவிட்டதால் தேசிய தலைமை விரைவில் அந்த பட்டியலை வெளியிடும். 

கூட்டணியில் இருந்து தே.மு.தி.க. விலகியதால் கூடுதல் இடங்களை பா.ஜ.க. பெறுவது கூறித்து பா.ஜ.க.வின் தேசிய தலைமைதான் முடிவு செய்ய வேண்டும்.

இவ்வாறு அவர் கூறினார்.

Next Story