சட்டசபை தேர்தல் - 2021

தமிழகத்தில் 72.78 சதவீத வாக்குப்பதிவு- அதிகாரப்பூர்வ அறிவிப்பு + "||" + 72.78 per cent turnout in Tamil Nadu - official announcement

தமிழகத்தில் 72.78 சதவீத வாக்குப்பதிவு- அதிகாரப்பூர்வ அறிவிப்பு

தமிழகத்தில் 72.78 சதவீத வாக்குப்பதிவு- அதிகாரப்பூர்வ அறிவிப்பு
தமிழகத்தில் 72.78 சதவீத வாக்குப் பதிவாகியுள்ளது என தலைமை தேர்தல் அதிகாரி சத்யபிரத சாகு அதிகாரபூர்வமாக அறிவித்து உள்ளார்.
சென்னை

தமிழகம் முழுவதும் 234 தொகுதிகளில் உள்ள 88 ஆயிரத்து 937 வாக்குச் சாவடிகளில் வாக்குப்பதிவு நடைபெற்றது. ஒவ்வொரு வாக்குச்சாவடியிலும் அந்தந்த தொகுதி வேட்பாளர்களின் முகவர்கள் முன்னிலையில் சீல் வைக்கப்பட்ட வாக்குப்பதிவு இயந்திரங்கள், வாக்கு எண்ணும் மையங்களுக்கு பாதுகாப்பாக கொண்டுசெல்லப்பட்டன.

சென்னையில் 3 வாக்கு எண்ணும் மையங்கள் உட்பட மாநிலம் முழுவதும் 75 வாக்கு எண்ணும் மையங்களில் தொகுதிவாரியாக வாக்குப்பதிவு இயந்திரங்கள் வைக்கப்பட்டுள்ளன.

 மையங்களில் ஒவ்வொரு தொகுதிக்கும் தனித்தனி ஸ்ட்ராங் ரூம்கள் ஒதுக்கப்பட்டுள்ளன. சீலிடப்பட்ட அந்த அறைகளுக்கு வெளியே துப்பாக்கி ஏந்திய துணை ராணுவப் படையினர் பாதுகாப்புக்கு நிறுத்தப்பட்டுள்ளனர். மேலும் ஆயுதப்படை காவலர்களும் பாதுகாப்பு பணியில் உள்ளனர். 

வாக்கு எண்ணும் மையத்தின் நுழைவு வாயில்களில் போலீசார் பாதுகாப்பு போடப்பட்டுள்ளது. ஒவ்வொரு வாக்கு எண்ணும் மையத்திலும் சுமார் 500 காவலர்கள் பாதுகாப்பு பணியில் ஈடுபட்டுள்ளனர்.

வாக்குப்பதிவு இயந்திரங்கள் உள்ள அறைகளிலும், அதற்கு வெளியேயும் சிசிவிடி கேமராக்கள் பொருத்தப்பட்டு, 24 மணி நேரமும் கண்காணிக்க நடவடிக்கை எடுக்கப்பட்டுள்ளது. வரும் 2ஆம் தேதி அனைத்து மையங்களிலும் வாக்குகள் எண்ணப்பட்டு தேர்தல் முடிவுகள் வெளியிடப்படும்.

இந்த நிலையில் தமிழக சட்டமன்ற தேர்தலில் 234 தொகுதிகளிலும் 72.78 சதவீத வாக்குகள் பதிவாகி உள்ளது என தலைமை தேர்தல் அதிகாரி சத்யபிரத சாகு அதிகாரபூர்வமாக அறிவித்து உள்ளார்.

தமிழக தலைமை தேர்தல் அதிகாரி சத்யபிரதா சாகு இன்று நிருபர்களுக்கு பேட்டி அளித்தார். அப்போது அவர் கூறியதாவது:-

தமிழக சட்டமன்ற தேர்தலில் 234 தொகுதிகளிலும் 72.78 சதவீத வாக்குகள் பதிவாகி உள்ளது.

தமிழகத்தில் அதிகபட்சமாக தருமபுரி மாவட்டம் பாலக்கோடு தொகுதியில் 87.33% வாக்குகள் பதிவாகி உள்ளது. குறைந்தபட்சமாக சென்னை வில்லிவாக்கம் தொகுதியில் 55.52% வாக்குகள் பதிவாகி உள்ளது என கூறினார்.

முதலமைச்சர் எடப்பாடி பழனிசாமி போட்டியிட்ட எடப்பாடி தொகுதியில் 85.6 சதவீத வாக்குகள் பதிவாகின.

திமுக தலைவர் மு.க.ஸ்டாலின் போட்டியிட்ட கொளத்தூர் தொகுதியில் 60.52 சதவீத வாக்குகள் பதிவவாகி உள்ளது.

கமல்ஹாசன் போட்டியிட்ட கோவை தெற்கு தொகுதியில் 60.72 சதவீத வாக்குகள் பதிவாகி உள்ளது.

நாம் தமிழர் சீமான் போட்டியிட்ட திருவொற்றியூர் தொகுதியில் 65 சதவீத வாக்குகள் பதிவாகி உள்ளது.

துணை முதலமைச்சர் ஓ.பன்னீர் செல்வம் போட்டியிட்ட போடி தொகுதியில் 73.65 சதவீத வாக்குகள் பதிவாகி உள்ளது.

பாஜக மாநில தலைவர் எல்.முருகன் போட்டியிட்ட தாராபுரம் தொகுதியில் 74.14 சதவீத வாக்குகள் பதிவாகி உள்ளது.

டிடிவி தினகரன் போட்டியிட்ட கோவில்பட்டி தொகுதியில் 67.43 சதவீத வாக்குகள் பதிவாகி உள்ளது.

திமுக இளைஞர் அணிச் செயலாளர் உதயநிதி போட்டியிட்ட சேப்பாக்கம் தொகுதியில் 58.41 சதவீத வாக்குகள் பதிவாகி உள்ளது.

பாஜக சார்பில் நடிகை குஷ்பு போட்டியிட்ட ஆயிரம் விளக்கு தொகுதியில் 58.4 சதவீத வாக்குகள் பதிவாகி உள்ளது.

தொடர்புடைய செய்திகள்

1. தமிழக சட்டசபை தேர்தல்: தோராயமாக 71.79 சதவீத வாக்குப்பதிவு - தலைமை தேர்தல் அதிகாரி சத்யபிரதா சாகு பேட்டி
நடந்து முடிந்த தமிழக சட்டசபை தேர்தலில் தோராயமாக 71.79 சதவீத வாக்குகள் பதிவாகி உள்ளதாக தமிழக தலைமை தேர்தல் அதிகாரி சத்யபிரதா சாகு தெரிவித்துள்ளார்.
2. தமிழகத்தில் விறுவிறுப்பாக நடைபெற்று முடிந்தது சட்டமன்ற தேர்தல் வாக்குப்பதிவு
தமிழகத்தில் விறுவிறுப்பாக நடைபெற்று முடிந்தது சட்டமன்ற தேர்தல் வாக்குப்பதிவு; மே 2-ந் தேதி வாக்கு எண்ணிக்கை
3. தமிழகம் முழுவதும் மாலை 5 மணி நிலவரப்படி 63.60% வாக்குகள் பதிவு
தமிழக சட்டமன்ற தேர்தலில் மாலை 5 மணி நிலவரப்படி 63.60% வாக்குகள் பதிவாகி உள்ளதாக தமிழக தலைமை தேர்தல் அதிகாரி சத்ய பிரதா சாகு தெரிவித்துள்ளார்.
4. கட்சி சின்னம் பொறித்த சட்டையுடன் வாக்களித்த உதயநிதி ஸ்டாலின்: அதிமுக தேர்தல் ஆணையத்தில் புகார்
கட்சி சின்னம் பொறித்த சட்டையுடன் உதயநிதி ஸ்டாலின் வாக்கு அளித்ததாக அதிமுக தேர்தல் ஆணையத்தில் புகார் அளித்து உள்ளது.
5. ஓ.பன்னீர் செல்வம் மகன் ரவீந்திரநாத் எம்.பி.யின் கார் கண்ணாடி உடைப்பு
தேனி - போடி சட்டமன்ற தொகுதிக்கு உட்பட்ட பெருமாள் கவுண்டன்பட்டியில் எம்.பி. ரவீந்திரநாத் கார் மீது மர்மநபர்கள் தாக்குதல் நடத்தினர்.