கட்டிடங்களில் விரிசல்களும், சரிசெய்யும் வழிமுறைகளும்

விரிசல்கள் ஏற்படுவதற்கான காரணங்கள்

*கட்டுமான பொருட்களை சரியான விகிதத்தில் பயன்படுத்தாமல் போவது..

*மணலையும், சிமெண்ட்டையும் ஒன்றாக கலக்கும் போது அவை ஒன்றோடு ஒன்று சரிவர சேர்ந்திருக்க வேண்டும்..ஒரு இடத்தில் சிமெண்ட் அதிகமாகவும், மணல் குறைவாகவும் கலக்கப்பட்டு இருந்தால் அதுவும் விரிசலுக்கு காரணியாக அமைந்துவிடும்.

*ஒட்டுமொத்த கட்டுமானத்திற்கும் ஒரே கிரேடு சிமெண்ட்டை பயன்படுத்துவதை தவிர்க்க வேண்டும்.

*கட்டுமான பணியின்போது எழுப்பப்பட்டிருக்கும் சுவர்களுக்கு குறைந்தபட்சம் இரண்டு வாரங்களுக்காவது சீராக தண்ணீர் விட வேண்டும்.. அப்போதுதான் சிமெண்ட் கலவை சுவருடன் சேர்ந்து நன்றாக இறுகும் தன்மை பெறும். அதேவேளையில் சுவரின் தன்மைக்கேற்ப தண்ணீர் விடுவது அவசியமாகின்றது.

*தரமான தண்ணீரை பயன்படுத்துவது மிகவும் அவசியம். சிமெண்ட் கலவைக்கு பயன்படுத்தும் தண்ணீரும், சுவர் மீது ஊற்றும் தண்ணீரும் உப்புத்தன்மை இல்லாதவாறு இருக்க வேண்டும்..அப்போதுதான் விரிசல் பிரச்சனை அறவே இருக்காது.

*பூச்சு வேலைகளின் போது சரியான விகிதத்தில் தண்ணீர் கலந்து சிமெண்ட் கலவையை உருவாக்க வேண்டும்..நீரை உறிஞ்சும் தன்மையில் பூச்சு வேலைப்பாடு அமைந்தால் அது சுவர்களுக்கு பாதிப்பை ஏற்படுத்திவிடும்.

*வீட்டின் மாடித் தளமானது நீர் தேங்காதபடி அமைப்பது மிகவும் முக்கியமான ஒன்றாகும்.. நீர் தேங்கும் பட்சத்தில் அது மாடியின் தரைத்தளத்தின் வழியியே ஊடுருவி கான்கிரீட் கம்பிகளை துருப்பிடிக்கச் செய்து கூரையில் விரிசலை ஏற்படுத்தக் கூடும்.

*பழைய சுவர்களின் மேல் புதிய சுவர்களை எழுப்பும் பொழுது முறையாக பணிகளை மேற்கொள்ள வேண்டும்.. இணைப்பு சுவர் வாயிலாக விரிசல் எட்டி பார்ப்பதற்கும் வாய்ப்புகள் உள்ளது.இவை மட்டுமல்லாமல் கட்டிடங்களில் விரிசல் ஏற்படுவதற்கு இன்னும் எத்தனையோ காரணங்கள் கூறப்படுகின்றன.

*சுவர்களை எல்லா பருவ காலத்திலும் பராமரிப்பதற்கு ஏற்றவாறுவெளிப்புறச் சுவர்களுக்கு தீட்டப்படும் வண்ணங்களைத் தேர்ந்தெடுத்து பூசுவதன் மூலம் விரிசல்களை தவிர்க்க முடியும்..

சரி செய்வதற்கான வழிமுறைகள்:

*பொதுவாக சிறிய மற்றும் நடுத்தர விரிசல்களின் அளவு 0.5 மில்லி மீட்டர் முதல் 5 மில்லி மீட்டர் வரை மாறுபடும்..இத்தகைய விரிசல்களைக் கொண்ட கட்டமைப்புகளில் இழுவிசை வலிமையை சுருக்காத கூழ் நுட்பத்தின் அழுத்த ஊசிமூலம் மீட்டெடுக்க முடியும்.. இந்த நுட்பம் பின்வரும் வழிமுறையை பயன்படுத்தி செயல்படுத்தப்படுகிறது.

முதலில் கட்டமைப்பின் வெளிப்புற மேற்பரப்பிலிருந்து தேவையற்ற கட்டமைப்பு பொருட்கள் அகற்றப்படுகின்றன.. பிளாஸ்டிக் அல்லது அலுமினிய இன்ஜெக்ஷன் போர்ட்ஸ் கட்டமைப்பின் இருபுறமும் பிளவுகளின் மேற்பரப்பில் பொருத்தப்படுகின்றன. பாலியஸ்டர் புட்டி அல்லது ஒன்றுக்கு மூன்று எந்த விகிதத்தில் சிமெண்ட் கலவையை பயன்படுத்தி குறிப்பிட்ட இடத்தில் இவை சரி செய்யப்படுகின்றன..சில சந்தர்ப்பங்களில் இந்த போர்ட்டுகள் மையத்திலிருந்து இடைவெளியை கொண்டிருக்கலாம்.. இது கட்டமைப்பின் தடிமனுக்கு கிட்டத்தட்ட சமமாக இருக்கும் .

அடுத்து, முத்திரை குத்த பயன்படும் மெழுகுபோன்ற ஒருவகை பொருள் பயன்படுத்தப்பட்டு உலர அனுமதிக்கப்படுகிறது ..அதன் பிறகு சுருக்கப்பட்ட காற்று அல்லது தண்ணீரை பயன்படுத்தி விரிசல் சுத்தம் செய்யப்படுகிறது.

பின்வரும் செயல்முறையானது கூழ் ஊசி போடுவதை உள்ளடக்கியது..விரிசல் செங்குத்தாக இருந்தால், ஊசியானது கீழ்ப்பகுதியிலிருந்து செலுத்தப்படுகிறது.. விரிசல் கிடைமட்டமாக இருந்தால் ஊசியை இரு முனைகளில் இருந்தும் செலுத்தலாம். இவ்வாறு செலுத்தப்படும் பொழுது கூழ் ஒரு முனையிலிருந்து நிரம்பி வழிய ஆரம்பித்தவுடன் ஊசி செயல்முறை நிறுத்தப்படும்.

செயல்முறை முடிந்ததும்,உட்செலுத்துதல் கருவி அகற்றப்படவேண்டும். மேலும்., அடுத்த விரிசலுக்கு செல்வதற்கு முன் போர்ட்டை சரியாக மூட வேண்டும்.

விரிசலின் ஆழம் மற்றும் அகலம் முழுவதும் கூழின் சரியான ஊடுருவலை உறுதி செய்ய, ஊசி அழுத்தம் அதிகமாக இருக்க வேண்டும்..அதே சமயம் சிறிய விரிசல்கள் ஏற்பட்டால் போர்ட்டின் இடையே உள்ள இடைவெளி சிறியதாகவும்,பெரிய விரிசல் ஏற்பட்டால் நேர்மாறாகவும் இருக்க வேண்டும்.

மேலே விவரிக்கப்பட்ட நுட்பமானது பீம், காலம்ன்,சுவர் மற்றும் தரை உள்ளிட்ட பல்வேறு வகையான மேசனரி மற்றும் கான்கிரீட் கட்டமைப்புகளுக்கு பொருந்தும்..சரி செய்யப்பட வேண்டிய விரிசல் ஒரு வலுவூட்டும் பட்டைக்கும் அதை ஒட்டிய கான்கிரீட்டிற்கும் இடையில் இருந்தாலோ ,கான்கிரீட் மிக நுண்ணிய தூளாக குறைக்கப்பட்டு இருந்தாலோ,ஊசி செலுத்தும்போது கூழானது சரியாக செல்வதை உறுதி செய்ய காற்று அல்லது நீர் அழுத்தத்தை பயன்படுத்தி தூளை சரியாக அகற்றவேண்டும்.

இதுபோன்று இன்னும் பல்வேறு வகைகளில் விரிசல்கள் ஏற்படும் இடம் மற்றும் அளவைப் பொறுத்து அவற்றை சரிசெய்வதற்கு உண்டான வழிமுறைகள் பல வந்து விட்டன.