ஆடி மகிழலாம் பலவிதமான ஊஞ்சல்கள்

இன்றைய காலகட்டத்தில் ஊஞ்சல் போட்டு ஆடுவதற்கு விசாலமான அறைகள் நமது வீடுகளில் இல்லை என்று கவலைப் படத் தேவையில்லை.இப்பொழுது வந்திருக்கும் விதவிதமான ஊஞ்சல்கள் வரவேற்பறையில் மட்டுமல்லாமல் வீட்டின் முற்றம்,வீட்டின் கொல்லைப்புறம், பால்கனி,மொட்டை மாடி, சிட் அவுட்,வீட்டின் மூலை,வீட்டுத்தோட்டம், படுக்கையறை என எங்கு வேண்டுமானாலும் அமைத்துக் கொள்வது போல் நவீன வடிவங்களில் வந்திருக்கின்றன.

கயிறுகளில் ஊஞ்சல் போல தயாரிக்கப்படும் ஹேமாக் பெரும்பாலும் கடற்கரைகளில் இரண்டு மரங்களுக்கு இடையில் கட்டப்பட்டு அதில் மக்கள் ஓய்வு எடுப்பதை பார்த்திருப்போம்.. அதேபோன்று மிகவும் நிம்மதியாக வீட்டில் ஓய்வு எடுக்கும் விதத்தில் வந்திருக்கும் இவ்வகை நவீன ஹேமாக் பெரிய அறைகளில் நாம் படுத்துக்கொண்டே புத்தகம் வாசிப்பது, டிவி பார்ப்பது இல்லை என்றால் நிம்மதியாக ஓய்வெடுப்பது என அனைத்துக்கும் ஏற்றார்போல் வடிவமைக்கப்பட்டு வந்திருக்கின்றது.

இவற்றை எதிர்ப்புறம் இருக்கும் இரண்டு ஜன்னல்களுக்கு இடையே கட்டிக்கொள்ளலாம்,இரண்டு தூண்களுக்கு இடையில் அல்லது இதற்கு என தனியாக கொடுக்கப் பட்டிருக்கும் ஸ்டாண்டில் கட்டிக் கொள்ளலாம்.. இவற்றின் தேவை இல்லாத போது அவற்றை மடித்து வைத்துக் கொள்ளலாம்.இவ்வகை ஊஞ்சல்களை வீட்டின் உட்புறம் மட்டுமல்லாது வெளிப்புறத்திலும் பயன்படுத்தலாம்..இவை காட்டன் கயிறுகள் மற்றும் கேன்வாஸ் துணிகளால் செய்யப்படுவதால் மிகவும் எடை குறைவாக இருக்கின்றன.. இதன் காரணமாக இவற்றை வீட்டின் எந்த அறைக்கு வேண்டுமானாலும் எளிதாக மாற்றிக் கொள்ளலாம்.

இவ்வகை ஊஞ்சல்களை பெரும்பாலான வீடுகளில் இப்பொழுது பார்க்க முடிகின்றது..இவ்வகை ஊஞ்சல்கள் பெரும்பாலும் மூங்கில்,இலகுவான உலோகம் அல்லது பிளாஸ்டிக்கில் வடிவமைக்கப் படுவதால் இவற்றைப் பராமரிப்பது மிகவும் எளிதாக உள்ளது..இவ்வகை ஊஞ்சல்களையும் வீட்டின் உட்புறம் மற்றும் வெளிப்புறம் என இடத்திற்கு ஏற்றார் போல் மாற்றி அமைத்துக் கொள்ளலாம்..பெரிய பாதி நீர்க்குமிழி போன்று இருக்கும் இவ்வகை ஊஞ்சல்கள் ஸ்டாண்ட்களுடனும் அவை இல்லாமலும் விற்பனை செய்யப்படுகின்றன.இந்த ஊஞ்சல்களை சர விளக்கு மற்றும் வண்ண குஷன்கள் கொண்டு நம்முடைய கற்பனைக்கு ஏற்றார் போல் அழகுபடுத்திக் கொள்ளலாம்.. பலவித டிசைன்கள் மற்றும் கருப்பு, பழுப்பு,வெளிர் மஞ்சள், பிங்க்,வாடாமல்லி என பல வண்ணங்களில் இவை கிடைக்கின்றன.ஸ்டாண்டுகள் உடன் வரும் இந்த ஊஞ்சலை வீட்டின் மூலையில் கூட அமைக்க முடியும்.. அதேபோல் ஸ்டாண்ட் இல்லாமல் வரும் ஊஞ்சலை வரவேற்பறை, பால்கனி என எங்கு வேண்டுமானாலும் சீலிங்கில் வரும் கொக்கியில் செயின் கொண்டு இணைத்துக் கொள்ளலாம்.