இயற்கையான வெளிச்சம் வீடுகளுக்கு அவசியமே

சுவர்கள் மற்றும் சீலிங்கிற்கு வெள்ளை அல்லது மென்மையான வண்ணங்களைப் பூசும் பொழுது அவை வீட்டிற்கு அதிக ஒளியைச் சேர்க்கும் என்பதில் எந்த சந்தேகமும் வேண்டாம்.வீட்டிற்கு நூறு சதவிகித வெளிச்சம் வேண்டுபவர்கள் கட்டாயம் வெள்ளைநிற வண்ணங்களைத் தேர்ந்தெடுத்து பூசலாம்.. வெள்ளை நிறம் விரைவில் அழுக்காகி விடும் என்று நினைப்பவர்கள் வேறு சில மென்மையான வண்ணங்களைப் பூசுவதன் மூலம் வீட்டிற்குள் வெளிச்சத்தை அதிகப்படுத்த முடியும்.வீட்டின் வெளிப்புறம் வெள்ளை மற்றும் மென்மையான வண்ணங்களைப் பூசுவதன் மூலமும் வெளிச்சமானது வீட்டிற்குள் அனுமதிக்கப்படுகின்றது..

மேலே கூறியவை மட்டுமல்லாமல் வீட்டிற்கு வைக்கப்படும் ஜன்னல்களின் அளவை பெரியதாக வைக்கும்பொழுது அதன் வாயிலாகவும் இயற்கையான வெளிச்சமானது வீட்டிற்குள் வருவதற்கு வாய்ப்புள்ளது.இயற்கையாக கிடைக்கும் ஒளியானது செயற்கை ஒளியைவிடச் சிறந்தது என்பதை அனைவரும் அறிவோம்.இயற்கையான வெளிச்சமும் காற்றும் உடல் ஆரோக்கியத்தையும் மன ஆரோக்கியத்தையும் காப்பதில் முக்கிய பங்கு வகிக்கின்றன. எனவே ஒவ்வொரு வீட்டிற்கும் இயற்கையான வெளிச்சமும், காற்றும் அவசியமே.