பெண்கள் பிரீமியர் லீக்: பெங்களூரு அணிக்கு 195 ரன்கள் இலக்கு நிர்ணயித்தது டெல்லி

பெங்களூரு,

2வது பெண்கள் பிரீமியர் லீக் 20 ஓவர் கிரிக்கெட் தொடர் பெங்களூருவில் நடந்து வருகிறது. இதில் மும்பை, டெல்லி, பெங்களூரு, குஜராத், உ.பி. வாரியர்ஸ் ஆகிய 5 அணிகள் பங்கேற்றுள்ளன.இந்நிலையில், பெண்கள் பிரீமியர் கிரிக்கெட் தொடரில் இன்று நடைபெறும் ஆட்டத்தில் டெல்லி கேபிட்டல்ஸ் - ராயல் சேலஞ்சர்ஸ் பெங்களூரு அணிகள் மோதுகின்றன.இந்த போட்டிக்கான டாஸ் போடப்பட்டது. அதில் டாஸ் வென்ற பெங்களூரு அணியின் கேப்டன் ஸ்மிருதி மந்தனா பந்துவீச்சை தேர்வு செய்தார்.அதன்படி , டெல்லி அணி முதலில் பேட்டிங் செய்தது.

தொடக்கம் முதல் டெல்லி அணி வீராங்கனைகள் அதிரடியாக விளையாடினர். இதனால் டெல்லி அணி 20 ஓவர்கள் முடிவில் 5 விக்கெட் இழப்பிற்கு 194 ரன்கள் எடுத்தது. அந்த அணியில் சிறப்பாக ஆடிய தொடக்க வீராங்கனை ஷாபாலி வர்மா அரைசதம் அடித்து அசத்தினார். ஆலிஸ் கேப்ஸி 46 ரன்கள் எடுத்தார்.

தொடர்ந்து 195 ரன்கள் இலக்குடன் பெங்களூரு அணி விளையாடி வருகிறது