ஆசிய ஆண்கள் 5 பேர் ஆக்கி இறுதிப்போட்டி: பாகிஸ்தானை வீழ்த்தி இந்தியா சாம்பியன்

சலாலா,

அடுத்த ஆண்டு நடைபெறும் முதலாவது 5 பேர் ஆக்கி உலகக்கோப்பை தொடருக்கு தகுதி சுற்றான ஆசிய மண்டல ஆண்கள் தொடர் ஓமன் நாட்டின் சலாலா நகரில் செவ்வாய்க்கிழமை தொடங்கியது.

இந்த தொடரில் லீக் சுற்று முடிவில் 5 போட்டிகளில் 4 வெற்றி, 1 தோல்வி உடன் அரையிறுதிக்கு முன்னேறிய இந்திய அணி 10-4 என்ற கோல் கணக்கில் மலேசியாவை வீழ்த்தி இறுதிப்போட்டிக்கு முன்னேறியது.

இந்த நிலையில் இன்று நடைபெற்ற ஆசிய ஆண்கள் 5 பேர் ஆக்கி இறுதிப்போட்டியில் இந்தியா அணி, பாகிஸ்தானுடன் மோதியது. இந்த போட்டி 4-4 என்ற கோல் கணக்கில் சமன் ஆன நிலையில் ஷூட் அவுட் முறையில் 2-0 என்ற கோல் கணக்கில் பாகிஸ்தானை வீழ்த்தி இந்தியா வெற்றி பெற்றது.

இந்திய அணி அடுத்த ஆண்டு நடைபெறும் முதலாவது 5 பேர் ஆக்கி உலகக்கோப்பை தொடருக்கு தகுதி பெற்றுள்ளது குறிப்பிடத்தக்கது.