ஈஸ்ட்போர்ன் டென்னிஸ் போட்டி: கிவிடோவா 'சாம்பியன்'

லண்டன்,

ஈஸ்ட்போர்ன் சர்வதேச டென்னிஸ் போட்டி இங்கிலாந்தில் நடந்தது. இதில் பெண்கள் ஒற்றையர் பிரிவில் நேற்று நடந்த இறுதி ஆட்டத்தில் பெட்ரா கிவிடோவா (செக்குடியரசு) 6-3, 6-2 என்ற நேர் செட்டில் நடப்பு சாம்பியன் ஜெலினா ஆஸ்டாபென்கோவை (லாத்வியா) வீழ்த்தி மகுடம் சூடினார். அவருக்கு ரூ.91 லட்சம் பரிசுத்தொகையாக கிடைத்தது.

தரவரிசையில் 31-வது இடம் வகிக்கும் பெட்ரோவா ருசித்த 29-வது பட்டம் இதுவாகும். விம்பிள்டன் டென்னிஸ் நாளை தொடங்க உள்ள நிலையில் இந்த வெற்றி கிவிடோவாவுக்கு கூடுதல் நம்பிக்கையை அளிக்கும்.