<
ஜூனியர் ஆசிய கோப்பை கிரிக்கெட் போட்டி: இலங்கையை வீழ்த்தி இந்தியா சாம்பியன்..!
இலங்கையை வீழ்த்தி ஜூனியர் ஆசிய கோப்பை கிரிக்கெட் போட்டியில் இந்தியா சாம்பியன் பட்டத்தை வென்றது.
துபாய்,
ஜூனியர் ஆசிய கோப்பை கிரிக்கெட் (19 வயதுக்குட்பட்டோர்) போட்டி ஐக்கிய அரபு அமீரகத்தில் நடந்து வருகிறது. இந்த தொடரின் இறுதிப் போட்டி இன்று நடைபெற்றது. இந்த இறுதி போட்டியில் இந்தியா- இலங்கை அணிகள் மோதின.
இந்த ஆட்டத்தில் டாஸ் வென்ற இலங்கை அணி முதலில் பேட்டிங்கை தேர்வு செய்தது. அதன்படி முதலில் களமிறங்கிய இலங்கை அணி தொடக்கத்திலேயே இந்திய அணியின் பந்துவீச்சில் ரன் எடுக்க முடியாமல் திணறியது. மழையின் காரணமாக ஓவர்கள் 38 ஆக குறைக்கப்பட்ட நிலையில் இலங்கை அணி 9 விக்கெட்டுகளை இழந்து 106 ரன்கள் மட்டும் எடுத்திருந்தது.
இதைத் தொடர்ந்து களமிறங்கிய இந்திய அணிக்கு டக்வொர்த் லீவிஸ் முறைப்படி இலக்கு 32 ஓவர்களுக்கு 102 ரன்கள் என நிர்ணயிக்கப்பட்டது. இந்திய அணியில் ரகுவன்சி 56 ரன்களையும் ஷாய்க் ரஷீத் 31 ரன்களையும் எடுத்து அணியின் வெற்றிக்கு அடித்தளமிட்டனர்.
இந்த நிலையில் இந்திய அணி 21.3 ஓவர்கள் முடிவில் 1 விக்கெட்டை பறிகொடுத்து 104 ரன்கள் எடுத்து வெற்றி பெற்றது. இதன்மூலம் இந்திய அணி 9 விக்கெட்டுகள் வித்தியாசத்தில் இலங்கை அணியை வீழ்த்தி ஜூனியர் ஆசிய கோப்பை கிரிக்கெட் (19 வயதுக்குட்பட்டோர்) போட்டியின் சாம்பியன் பட்டத்தை வென்றது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
