இன்றைய முக்கிய செய்திகள்.. சில வரிகளில்.. 06-10-2025

வண்டலூரில் மாயமானதாக கூறப்பட்ட சிங்கம் எங்கு விடப்பட்டதோ, அதே இடத்திற்கு திரும்பியது. லயன் சபாரி பகுதியில் சுற்றித் திரிந்த நிலையில், மாலை உணவுக்காக தங்கும் இடத்திற்கு வந்து சேர்ந்தது என பூங்கா நிர்வாகம் தெரிவித்துள்ளது.

தலைமை நீதிபதி பி.ஆர்.கவாயை நோக்கி செருப்பை வீசியுள்ளார் சனாதன எண்ணம் கொண்ட வழக்கறிஞர். தலைமை நீதிபதியை தாக்க முயன்றவரின் வழக்கறிஞர் தகுதியை ரத்து செய்து, நடவடிக்கை எடுக்க வேண்டும் ஒட்டுமொத்த நீதித்துறைக்கே இது அவமானமாகும். சனாதனத்தை வேரறுக்க ஜனநாயக சக்திகள் ஓரணியில் திரள வேண்டும் என விசிக தலைவர் திருமாவளவன் கூறியுள்ளார்.

நெல்லை - சென்னை இடையே இயக்கப்படும் வந்தே பாரத் ரெயில் நேரம் மாற்றம் செய்யப்பட்டுள்ளது. காலை 6.05 மணிக்கு வழக்கமாக இயக்கப்படும் நிலையில். டிச - 7ஆம் தேதி முதல் காலை 6 மணிக்கு நெல்லையிலிருந்து புறப்படும் என்று தெரிவிக்கப்பட்டுள்ளது. 

சென்னை அப்போலோ மருத்துவமனையில் அனுமதிக்கப்பட்டுள்ள பாமக நிறுவனர் ராமதாஸை நேரில் சந்தித்து நலம் விசாரித்தார் அதிமுக பொதுச்செயலாளர் எடப்பாடி பழனிசாமி.

சென்னை அப்போலோ மருத்துவமனையில் சிகிச்சை பெறும் மதிமுக பொதுச்செயலாளர் வைகோ, பாமக நிறுவனர் ராமதாஸை சந்தித்து சீமான் நலம் விசாரித்தார்.

சென்னையில் ஆபரண தங்கம் கிராமுக்கு ரூ.175 உயர்ந்து ரூ.11,125க்கு விற்பனையாகிறது. தங்கம் விலை காலையில் ரூ.880 உயர்ந்த நிலையில் மாலையில் சவரனுக்கு ரூ.520 ஆக அதிகரித்துள்ளது.சென்னையில் ஆபரண தங்கம் ஒரு சவரன் ரூ.1,400 உயர்ந்து ரூ.89 ஆயிரத்திற்கு விற்பனை ஆகிறது. ஆபரணத்தங்கம் விலை ஒரே நாளில் ரூ.1,400 உயர்ந்து சவரன் ரூ.89,000 ஆக விற்பனை ஆகிறது.

பீகாரில் 2 கட்டங்களாக சட்டசபை தேர்தல்

243 தொகுதிகள் கொண்ட பீகார் சட்டப்பேரவைக்கு 2 கட்டங்களாக வரும் நவம்பர் 6, 11ம் தேதிகளில் வாக்குப்பதிவும், நவம்பர் 14ம் தேதி வாக்கு எண்ணிக்கையும் நடைபெறும் என்று தேர்தல் ஆணையம் அறிவித்துள்ளது.