இன்றைய முக்கிய செய்திகள்.. சில வரிகளில்.. 26-08-2025

தமிழகத்திற்கு செப்டம்பர் மாதத்திற்கான 36.76 டி.எம்.சி நீரினை வழங்க வேண்டும். சுப்ரீம் கோர்ட்டு ஆணையின்படி கர்நாடகம் பில்லிகுண்டுலுவில் நீரினை வழங்குவதை உறுதிசெய்ய வேண்டும் என காவிரி நீர் மேலாண்மை ஆணையத்தின் 43வது கூட்டத்தில் தமிழ்நாடு சார்பில் வலியுறுத்தப்பட்டது.

கூடலூரில் 13 பசு மாடுகளை வேட்டையாடி போக்கு காட்டும் புலியை பிடிக்க 30 அடி நீளம் கொண்ட பிரமாண்ட கூண்டு அமைக்கப்பட்டுள்ளது. 30-க்கும் மேற்பட்ட தானியங்கி கேமராக்கள் மூலம் தீவிர கண்காணிக்கப்பட்டு வருகிறது.

கேரளாவின் கொல்லம் ரெயில் நிலையத்தில் இருந்து தாம்பரம் வரை செல்லும் QLN-TBM எக்ஸ்பிரஸ்(16102) ரெயிலின் நேரம் மாற்றம் செய்யப்பட்டுள்ளது. செப்.1 ஆம் தேதி முதல் கொல்லம் ரெயில் நிலையத்தில் இருந்து பிற்பகல் 12 மணிக்கு புறப்பட்ட ரெயில் மாலை 4 மணிக்கு புறப்படும் என்றும், தாம்பரம் ரெயில் நிலையத்தை நள்ளிரவு 2.30 மணிக்கு அடைந்த ரெயில், காலை 7.30 வந்து அடையும் என தெற்கு ரெயில்வே அறித்துள்ளது.

ரைட் சகோதரர்கள் விமானத்தைக் கண்டுபிடிப்பதற்கு முன்பே நம்மிடம் புஷ்பக விமானம் இருந்தது. இன்று நம்மிடம் உள்ள ட்ரோன்கள், ஏவுகணைகளை பண்டைய காலத்திலயே வைத்திருந்தோம். இதை நாம் மகாபாரதத்தில் படித்திருக்கிறோம் என்று மத்திய மந்திரி சிவராஜ் சிங் சவுகான் கூறியுள்ளார். 

விநாயகர் சதுர்த்தியை ஒட்டி தூத்துக்குடி மலர் சந்தையில் பூக்களின் விலை கிடுகிடுவென உயர்ந்துள்ளது. மல்லிகைப்பூ கிலோ ரூ.2,000, பிச்சிப்பூ கிலோ ரூ.1,500, கனகாம்பரம் கிலோ ரூ.2,000க்கு விற்பனை ஆகிறது.

இலங்கை முன்னாள் அதிபர் ரணில் விக்ரமசிங்கவிற்கு அந்நாட்டு நீதிமன்றம் பிணை வழங்கியது. கடந்த 22ம் தேதி அரசு நிதியை தவறாகப் பயன்படுத்திய புகாரில் ரணில் கைது செய்யப்பட்டார்.

இலங்கை கடற்படையால் கைது செய்யப்பட்ட ராமேஸ்வரம் மீனவர்கள் 7 பேர் அபராதத்துடன் விடுதலை செய்தது இலங்கை நீதிமன்றம். கடந்த 9ஆம் தேதி எல்லை தாண்டி மீன் பிடித்ததாக 7 மீனவர்கள் கைது செய்யப்பட்டனர். 6 மீனவர்களுக்கு இந்திய மதிப்பில் தலா ரூ.87,000. ஒருவருக்கு ரூ.14,500 அபராதம் விதித்தது இலங்கை நீதிமன்றம்.