இந்தியா - அமெரிக்கா இரண்டுமே அவரவர் டி.என்.ஏ.வில் ஜனநாயகத்தைக் கொண்டுள்ளன - பிரதமர் மோடி

நாட்டில் சிறுபான்மையினரின் உரிமைகளை மேம்படுத்த அரசு எடுக்கும் நடவடிக்கைகள் குறித்து எழுப்பப்பட்ட கேள்விக்கு பதிலளித்த பிரதமர் மோடி, “நாம் ஒரு ஜனநாயக நாடு...இந்தியா - அமெரிக்கா இரண்டுமே அவரவர் DNAவில் ஜனநாயகத்தைக் கொண்டுள்ளன. ஜனநாயகம் என்பது நமது ஆன்மாவில் உள்ளது. நாம் அதில் வாழ்கிறோம், அது நமது அரசியலமைப்பில் எழுதப்பட்டுள்ளது... எனவே சாதி, மதம் அல்லது மதத்தின் அடிப்படையில் பாகுபாடு பற்றிய கேள்வி எழாது. அதனால்தான், இந்தியா சப்கா சாத், சப்கா விகாஸ், சப்கா விஸ்வாஸ், சப்கா பிரயாஸ் போன்றவற்றில் நம்பிக்கை வைத்து, அதை முன்னெடுத்துச் செல்கிறது.

இந்தியாவைப் பொறுத்த வரையில், நமது கலாச்சாரம் மற்றும் பாரம்பரியத்தில் சுற்றுச்சூழல் மற்றும் காலநிலைக்கு இன்றியமையாத இடம் உண்டு. சுற்றுச்சூழல் என்பது நமக்கு நம்பிக்கையின் ஒரு பொருள். இயற்கையை சுரண்டுவதில் எங்களுக்கு நம்பிக்கை இல்லை. இந்தியா தனது சுற்றுச்சூழலைப் பாதுகாப்பதற்காக மட்டும் பாடுபடாமல், உலகைப் பாதுகாக்கவும் பாடுபடுகிறது. அதற்கான உலகளாவிய முயற்சிகளை நாங்கள் எடுத்து வருகிறோம். சுற்றுச்சூழலைப் பாதுகாப்போம் என்று பாரிசில் கொடுத்த வாக்குறுதியை நிறைவேற்றிய உலகின் ஒரே ஜி20 நாடு இந்தியாதான்.

உலகத்திற்காக ஒரு சர்வதேச சூரிய கூட்டணியை நாங்கள் தொடங்கினோம், இன்று உலகின் பல நாடுகள் எங்களுடன் இணைந்து செயல்படுகின்றன. இயற்கை சீற்றங்களால், உள்கட்டமைப்புக்கு பெரும் இழப்பு ஏற்படுவதை நாம் பார்க்கிறோம். நமது வருங்கால சந்ததியினர் மீது நாங்கள் அக்கறை கொண்டுள்ளோம், எனவே பருவநிலை மாற்ற நெருக்கடியில் உலகை ஆதரிப்பதற்கான உலகளாவிய பொறுப்பை நாங்கள் எடுத்துக்கொள்கிறோம்” என்று அவர் கூறினார்.