சென்னை,

''சதுரங்க வேட்டை'' படத்தின் மூலம் இயக்குனராக தமிழ் சினிமாவில் அறிமுகமானவர் எச். வினோத். இவர் இயக்கிய முதல் படமே ரசிகர்கள் மத்தியில் நல்ல வரவேற்பை பெற்றது. அதை தொடர்ந்து, ''நேர்கொண்ட பார்வை, வலிமை, துணிவு, தீரன் அதிகாரம் ஒன்று'' போன்ற நல்ல படங்களை கொடுத்து சினிமாவில் பிரபலமானார்.

தற்போது இவர் விஜய்யின் ''ஜனநாயகன்'' படத்தை இயக்கி வருகிறார். இது விஜய்யின் கடைசி படம் என்பதால் மிகப்பெரிய எதிர்பார்ப்பு உள்ளது. இப்படம் அடுத்த ஆண்டு ஜனவரி மாதம் 9-ம் தேதி வெளியாக உள்ளது.

இந்நிலையில், ''ஜனநாயகன்'' படத்திற்கு பிறகு எச்.வினோத் இயக்க உள்ள படம் பற்றிய முக்கிய தகவல் ஒன்று வெளியாகி இருக்கிறது. அதன்படி, எச். வினோத் அடுத்ததாக தனுஷை இயக்க போவதாக தகவல் வெளியாகி உள்ளது. இதனை லலித் குமார் தயாரிக்கவுள்ள இப்படத்துக்கு சாம் சி.எஸ் இசையமைக்க உள்ளதாக கூறப்படுகிறது. இதற்கான ஆரம்பகட்ட பணிகள் விரைவில் தொடங்கவுள்ளதாகவும் தகவல்கள் வெளியாகி உள்ளது.