சென்னை,

தெலுங்கு திரையுலகின் முன்னணி நடிகர் பாலையா. இவர் தெலுங்கு சினிமாவில் இதுவரை 100க்கும் மேற்பட்ட படங்களில் நடித்துள்ளார்.

இதனிடையே, திரைத்துறையில் பாலையா 50 ஆண்டுகளை நிறைவு செய்துள்ளார். அவருக்கு ரசிகர்கள், நடிகர்-நடிகைகள் உள்பட பலரும் வாழ்த்து தெரிவித்து வருகின்றனர்.

இந்நிலையில், திரைத்துறையில் 50 ஆண்டுகளை நிறைவு செய்துள்ள பாலையாவுக்கு நடிகர் ரஜினிகாந்த் வாழ்த்து தெரிவித்துள்ளார். இது தொடர்பாக ரஜினி காந்த் வெளியிட்ட வாழ்த்து வீடியோவில் கூறுகையில், பாலையா என்றாலே பாசிடிவ். பாலகிருஷ்ணா பேசும் பன்ச் வசனங்களை அவரை தவிர வேறு யார் பேசினாலும் சிறப்பாக இருக்காது. பாலையா எங்கு இருந்தாலும் மகிழ்ச்சியும், சிரிப்புமே இருக்கும்; அவருக்கு போட்டி அவரே. பாலையா படம் நன்றாக ஓடுகிறது என்றால் அவரது ரசிகர்கள் மட்டுமல்ல அனைத்து நடிகர்களின் ரசிகர்களும் மகிழ்ச்சியடைவார்கள். அதுவே அவரது பலம் என்றார்.