சென்னை,

இயக்குனர் பாண்டிராஜ் இயக்கத்தில் நடிகர் விஜய் சேதுபதி தனது 52-வது படத்தில் நடித்துள்ளார். சத்ய ஜோதி பிலிம்ஸ் தயாரித்துள்ள இந்த படத்தில் நித்யா மேனன், யோகி பாபு உள்ளிட்டோர் முக்கிய கதாபாத்திரங்களில் நடித்துள்ளனர்.

விஜய் சேதுபதி - பாண்டிராஜ் இருவரும் முதல் முறையாக இணைந்துள்ளதால் இந்த படத்துக்கு ரசிகர்களிடையே பெரும் எதிர்பார்ப்பு நிலவுகிறது. இப்படத்தின் படப்பிடிப்பு சமீபத்தில் நிறைவடைந்தது.

இதற்கிடையில் இப்படத்தின் டைட்டில் டீசர் இன்று மாலை 6 மணிக்கு வெளியாக உள்ளநிலையில், இப்படத்திற்கு சந்தோஷ் நாராயணன் இசையமைப்பதாக படக்குழு தெரிவித்துள்ளது.