திருவள்ளூர் மாவட்டம், ஊத்துக்கோட்டை அருகே உள்ள லட்சிவாக்கம் ஊராட்சிக்குட்பட்ட பெரம்பூர் பாஞ்சாலி நகரில் புகழ்பெற்ற திரௌபதி அம்மன் கோவில் உள்ளது. இக்கோவிலின் தீமிதி திருவிழா கடந்த 1-ம் தேதி தொடங்கியது. தினமும் அம்மனுக்கு சிறப்பு பூஜைகள், கூழ் வார்த்தல், அம்மன் வீதி உலா நடைபெற்றது. தீமிதிக்கும் பக்தர்கள் காப்பு கட்டி விரதம் தொடங்கினர்.

முக்கிய நிகழ்ச்சியான தீ மிதித்தல் நிகழ்ச்சி நேற்று இரவு நடைபெற்றது. 200-க்கும் மேற்பட்ட பக்தர்கள் கோவில் அருகே உள்ள குளத்தில் புனித நீராடி, அதன்பின் தீ மிதித்து நேர்த்திக்கடன் செலுத்தினர். இதில் பாலவாக்கம், லட்சிவாக்கம், சென்னங்காரணை, சூளைமேனி, தாராட்சி பகுதிகளில் இருந்து ஏராளமான பக்தர்கள் கலந்து கொண்டனர்.