புதுச்சேரி

வில்லியனூர் கணுவாபேட்டை புதுநகரை சேர்ந்தவர் தமிழ்செல்வன் (வயது24). கோபாலன் கடையை சேர்ந்தவர் அப்பு என்கிற சேவியர் (31). ரவுடிகளான இவர்கள் மீது பல்வேறு வழக்குகள் நிலுவையில் உள்ளன.

இவர்களால் ஊர் பொது அமைதிக்கு குந்தகம் ஏற்படும் வாய்ப்பு இருப்பதால் 2 பேரையும் 3 மாதம் ஊருக்குள் நுழைய தடை விதிக்கும்படி மாவட்ட கலெக்டருக்கு, வில்லியனூர் போலீஸ் சப்-இன்ஸ்பெக்டர் வேலு பரிந்துரை செய்துள்ளார்.

இதேபோல் சண்முகாபுரத்தை சேர்ந்த அருண் (20), லம்போர்ட் சரவணன் நகரை சேர்ந்த சூர்யா (26) ஆகியோரையும் ஊருக்குள் நுழைய தடை விதிக்கக்கோரி மாவட்ட கலெக்டருக்கு பரிந்துரை செய்யப்பட்டுள்ளது.