தென்காசிக்கு உட்பட்ட புளியங்குடியில் பள்ளி குழந்தைகளை ஏற்றிக்கொண்டு ஆட்டோ ஒன்று சென்றது. அப்போது, அரசு பஸ் ஒன்று எதிரே வந்துள்ளது. திடீரென ஆட்டோவும், பஸ்சும் நேருக்கு நேராக மோதி விபத்தில் சிக்கியது.

இந்த சம்பவத்தில் ஆட்டோவில் பயணித்த 5 குழந்தைகள் காயம் அடைந்து உள்ளனர். அவர்கள் அனைவரும் மீட்கப்பட்டு புளியங்குடியில் உள்ள மருத்துவமனையில் சிகிச்சைக்காக கொண்டு செல்லப்பட்டு உள்ளனர். அவர்களில் 2 குழந்தைகளுக்கு தீவிர சிகிச்சை அளிக்கப்பட்டு வருகிறது. விபத்துக்கான காரணம் பற்றி போலீசார் விசாரித்து வருகின்றனர்.