அரையாண்டு தேர்வு விடுமுறை எத்தனை நாட்கள் தெரியுமா?

தமிழகத்தில் உள்ள அரசு மற்றும் தனியார் பள்ளிகளில் அரையாண்டு தேர்வு இறுதி கட்டத்தை நெருங்கிவிட்டது. அடுத்து வரும் தொடர் விடுமுறையை ஒட்டி வெளியூர் பயணங்களுக்கு திட்டமிட்டு வருகின்றனர். இந்தநிலையில்,

டிசம்பர் 24-ம் தேதியில் இருந்து அரையாண்டு விடுமுறை தொடங்குகிறது. மொத்தம் 9 நாட்கள் விடுமுறை கிடைக்கிறது. அப்படி பார்த்தால் ஜனவரி 2-ம் தேதி வியாழன் அன்று பள்ளிகள் மீண்டும் திறக்கப்படுகின்றன. அரையாண்டு விடுமுறையிலேயே கிறிஸ்துமஸ் பண்டிகையும், ஜனவரி 1, 2025 ஆங்கிலப் புத்தாண்டும் வந்துவிடுகின்றன. இதனால் பள்ளி மாணவர்கள் 2 நாட்கள் அரசு விடுமுறையை தவறவிடும் நிலை காணப்படுகிறது.

நாடாளுமன்றம் வெளியே எதிர்க்கட்சிகள் போராட்டம்

அமித்ஷாவை கண்டித்து நாடாளுமன்ற வளாகத்தில் வெளியே இந்தியா கூட்டணி எம்.பி.க்கள் போராட்டம் நடத்தி வருகின்றனர். நாடாளுமன்ற வளாகத்தில் போராட்டம் நடத்த தடை விதிக்கப்பட்டதால் விஜய் சவுக் பகுதியில் ஆர்பாட்டம் நடத்தி வருகின்றனர்.

அமைச்சர் ராஜேந்திரன் நலம் விசாரிப்பு

சேலம் மாவட்டம் மேட்டூர் அனல் மின்நிலையத்தில் நிலக்கரி சேமிப்பு தொட்டி உடைந்து, அதில் சிக்கி காயமடைந்து மருத்துமனையில் சிகிச்சை பெற்று வருபவர்களை அமைச்சர் ராஜேந்திரன் நேரில் சென்று நலம் விசாரித்தார். பின்னர் உயிரிழந்த இருவரின் குடும்பத்தினருக்கு அமைச்சர் ஆறுதல் கூறினார். அதனை தொடர்ந்து விபத்து நடந்த இடத்தையும் பார்வையிட்டு ஆய்வு செய்தார்.

அம்பேத்கரை அவமதித்து அமித்ஷா பேசியதைக் கண்டித்து விருதுநகர் மாவட்டம் திருத்தங்கல் ரெயில் நிலையத்தில் விசிகவினர் ரெயில் மறியல் போராட்டம் நடத்தினர். மதுரை - செங்கோட்டை பயணிகள் ரெயிலை மறித்துப் போராட்டத்தில் ஈடுபட்டவர்களை போலீசார் கைது செய்தனர்.