துபாய்,

8 அணிகள் இடையிலான 9-வது ஐ.சி.சி. சாம்பியன்ஸ் டிராபி தொடர் பாகிஸ்தான் மற்றும் துபாயில் நடந்து வருகிறது. இதில் பங்கேற்றிருந்த அணிகள் இரு பிரிவாக பிரிக்கப்பட்டு தங்களுக்குள் மோதின. லீக் சுற்று முடிவில் இரு பிரிவிலும் முதல் இரு இடங்களை பிடித்த அணிகள் அரைஇறுதிக்கு தகுதி பெற்றன. இதன் லீக் சுற்று ஆட்டங்கள் நேற்றுடன் நிறைவடைந்தன.

லீக் சுற்று முடிவில் ஏ பிரிவில் இருந்து இந்தியா , நியூசிலாந்து அணிகளும், பி பிரிவில் இருந்து தென் ஆப்பிரிக்கா மற்றும் ஆஸ்திரேலியாவும் அரைஇறுதிக்கு தகுதி பெற்றுள்ளன.

இதில் நாளை நடைபெற உள்ள முதல் அரைஇறுதி ஆட்டத்தில் இந்தியா - ஆஸ்திரேலியா அணிகள் துபாயில் மோதுகின்றன. 2-வது அரைஇறுதியில் தென் ஆப்பிரிக்கா - நியூசிலாந்து லாகூரில் பலப்பரீட்சை நடத்துகின்றன.

அரைஇறுதி சுற்று முழு விவரம்:-

1. இந்தியா - ஆஸ்திரேலியா (துபாய்) - மார்ச் 4-ம் தேதி மதியம் 2.30 மணி

2. தென் ஆப்பிரிக்கா - நியூசிலாந்து (லாகூர்) - மார்ச் 5-ம் தேதி மதியம் 2.30 மணி