ஜமைக்கா,

வெஸ்ட் இண்டீஸ் கிரிக்கெட் அணியின் முன்னாள் அதிரடி வீரரான நிக்கோலஸ் பூரன் டி20 கிரிக்கெட்டில் அசத்தலான செயல்பாட்டினை வெளிப்படுத்திய வீரர்களை கொண்டு ஆல்டைம் சிறந்த பிளேயிங் லெவனை தேர்வு செய்துள்ளார்.

அந்த அணியில் விராட் கோலி மற்றும் ஜஸ்பிரித் பும்ரா ஆகிய 2 வீரர்கள் மட்டுமே இடம்பெற்றுள்ளனர். அந்த அணியில் அதிகபட்சமாக பூரன் உள்பட வெஸ்ட் இண்டீசை சேர்ந்த 5 வீரர்கள் இடம்பெற்றுள்ளனர்.

ஆனால் அந்த அணியில் மகேந்திரசிங் தோனி, ரோகித் சர்மா, டுவைன் பிராவோ, சூர்யகுமார் யாதவ் போன்ற திறமையான வீரர்களை தேர்வு செய்யாமல் அதிர்ச்சி அளித்துள்ளார்.

நிக்கோலஸ் பூரன் தேர்வு செய்த ஆல்டைம் சிறந்த டி20 பிளேயிங் லெவன்:

கிறிஸ் கெயில், விராட் கோலி, ஜோஸ் பட்லர், ஏபி டி வில்லியர்ஸ், நிக்கோலஸ் பூரன், பொல்லார்டு, ஆந்த்ரே ரசல், சுனில் நரைன், ரஷித் கான், ஜஸ்பிரித் பும்ரா, மலிங்கா.