ஷூரிச்,

சர்வதேச கால்பந்து சம்மேளனம், மகளிர் கால்பந்து அணிக்கான புதிய தரவரிசை பட்டியலை நேற்று வெளியிட்டது. இதில் ஸ்பெயின் அணி மீண்டும் நம்பர் ஒன் இடத்தை பிடித்தது. கடந்த ஆண்டு பாரீஸ் ஒலிம்பிக்கில் தங்கம் வென்றதில் இருந்து முதலிடத்தில் இருந்த அமெரிக்கா 2-வது இடத்துக்கு தள்ளப்பட்டது.

மகளிர் ஐரோப்பிய கால்பந்து சாம்பியன்ஷிப்பில் மகுடம் சூடிய இங்கிலாந்து ஒரு இடம் முன்னேறி 4-வது இடம் வகிக்கிறது. பிரேசில் 4-ல் இருந்து 7-வது இடத்துக்கு சறுக்கியது. சுவீடன் 3-வது இடத்திலும், ஜெர்மனி 5-வது இடத்திலும் உள்ளன.

இந்தியா 7 இடங்கள் உயர்ந்து 63-வது இடத்தை பிடித்துள்ளது. தாய்லாந்துக்கு எதிரான ஆட்டத்தில் வெற்றி பெற்று மகளிர் ஆசிய கோப்பை போட்டிக்கு தகுதி பெற்றதன் மூலம் இந்திய அணிக்கு இந்த ஏற்றம் கிடைத்துள்ளது.