ஜன்ட்ஹோவன்,

இந்திய 'ஏ' ஆக்கி அணி, ஐரோப்பிய நாடுகளில் சுற்றுப்பயணம் செய்து விளையாடுகிறது. இதில் நெதர்லாந்தின் ஜன்ட்ஹோவன் நகரில் நேற்று முன்தினம் இரவு நடந்த 2-வது ஆட்டத்தில் இந்திய 'ஏ' அணி மீண்டும் அயர்லாந்தை சந்தித்தது.

தொடக்கம் முதலே ஆதிக்கம் செலுத்திய இந்தியா 6-0 என்ற கோல் கணக்கில் வெற்றி பெற்றது. இந்தியா தொடர்ச்சியாக பெற்ற 2-வது வெற்றி இதுவாகும். அந்த அணிக்கு எதிரான முந்தைய ஆட்டத்தில் 6-1 கோல் கணக்கில் வென்றிருந்தது.

இந்திய அணியில் முகமது ரஹீல் முசீன் 2 கோலும், உத்தம் சிங், கேப்டன் சஞ்சய், அமன்தீப் லக்ரா, வருண்குமார் தலா ஒரு கோலும் அடித்தனர். இந்திய 'ஏ' அணி அடுத்து நாளை பிரான்சுடன் மோதுகிறது.