ஹாங்சோவ்,

11-வது மகளிர் ஆசிய கோப்பை ஆக்கி போட்டி சீனாவின் ஹாங்சோவ் நகரில் நடந்து வருகிறது. இதில் கலந்து கொண்டுள்ள 8 அணிகள் 2 பிரிவாக பிரிக்கப்பட்டு லீக்கில் மோதி வருகின்றன. லீக் முடிவில் ஒவ்வொரு பிரிவிலும் டாப்-2 இடங்களை பிடிக்கும் அணிகள் சூப்பர்4 சுற்றுக்குள் நுழையும். இதில் ‘பி’ பிரிவில் இடம்பெற்றுள்ள இந்திய அணி தனது முதல் 2 ஆட்டங்களில் முறையே தாய்லாந்துக்கு எதிராக வெற்றியும், ஜப்பானுக்கு எதிராக டிராவும் கண்டிருந்தது. இதனையடுத்து இந்திய அணி தனது கடைசி லீக் ஆட்டத்தில் சிங்கப்பூர் உடன் மோதியது. இதில் இந்தியா 12-0 என்ற கோல் கணக்கில் சிங்கப்பூரை பந்தாடி சூப்பர் 4 சுற்றுக்கு முன்னேறியது.

இன்று நடைபெற்ற சூப்பர் 4 சுற்று ஆட்டம் ஒன்றில் இந்தியா- கொரியா அணிகள் மோதின. பரபரப்பான இந்த ஆட்டத்தில் சிறப்பாக விளையாடி ஆதிக்கம் செலுத்திய இந்திய அணி இந்தியா 4-2 என வெற்றி பெற்றது.

நாளை நடைபெற உள்ள ஆட்டத்தில் இந்தியா சீனாவை எதிர்கொள்கிறது.