மேலும் 2 புதிய படங்களில் ரஜினி?

ரஜினிகாந்த் நடிக்கும் ஜெயிலர் படப்பிடிப்பு விறுவிறுப்பாக நடக்கிறது. இதில் கன்னட நடிகர் சிவராஜ் குமார், ரம்யா கிருஷ்ணன், யோகிபாபு உள்ளிட்ட பலர் நடிக்கின்றனர். பெரும்பகுதி படப்பிடிப்பு முடிந்துள்ளது.

இந்த படத்தை முடித்துவிட்டு, மேலும் 2 புதிய படங்களில் ரஜினிகாந்த் நடிக்க முடிவாகி இருப்பதாக தகவல் வெளியாகி உள்ளது. அதில் ஒரு படத்தை சிபி சக்கரவர்த்தி டைரக்டு செய்ய இருப்பதாக கூறப்படுகிறது. இவர் ஏற்கனவே சிவகார்த்திகேயன் நடித்த டான் படத்தை இயக்கி உள்ளார். இது ரஜினிக்கு 170-வது படம்.

இன்னொரு படத்தை இயக்க தேசிங்கு பெரியசாமி பெயர் அடிபடுகிறது. இவர் துல்கர்சல்மான் நடித்து ரசிகர்கள் மத்தியில் வரவேற்பை பெற்ற கண்ணும் கண்ணும் கொள்ளையடித்தால் படத்தை இயக்கி பிரபலமானவர். ஏற்கனவே ரஜினியின் 169-வது படத்தை தேசிங்கு பெரியசாமி இயக்குவதாகத்தான் இருந்தது. ஆனால் அந்த படம் தள்ளிப்போனதால் தற்போது ஜெயிலர் படத்தில் நடித்து வருகிறார்.

இந்த நிலையில் ரஜினியின் 171-வது படத்தை இயக்க தேசிங்கு பெரியசாமிக்கு வாய்ப்பு இருப்பதாக கூறப்படுகிறது. இந்த 2 படங்கள் குறித்த அதிகாரப்பூர்வ அறிவிப்பு ஜெயிலர் படப்பிடிப்பு முடிந்ததும் வெளியாகலாம் என்று தெரிகிறது.