சாதனையாளர்

பார்பி கவுரவித்த மருத்துவர் கிர்பி ஒயிட் + "||" + barbie and kirby white..!

பார்பி கவுரவித்த மருத்துவர் கிர்பி ஒயிட்

பார்பி கவுரவித்த மருத்துவர் கிர்பி ஒயிட்
மாகாணம் முழுவதும் நிலவி வந்த பி.பி.இ உடை பற்றாக்குறையினைப் போக்குவதற்கு, ‘கவுன் ஃபார் டாக்டர்ஸ்' என்ற பெயரில் கிரவுட்ஃபண்டிங் மூலம் ரூ.30 லட்சம் நிதி திரட்டி, பி.பி.இ ஆடைகளைத் தயாரித்தார். பாதுகாப்பு உடைகளைத் தைத்து அவற்றை மாகாணம் முழுவதும் உள்ள மருத்துவமனைகளுக்கு அனுப்பி வைத்தார்.
கொரோனாவின் கோரப் பிடியில் இருந்து உலகம் மெல்ல மீண்டுவந்து கொண்டிருக்கிறது. இரண்டு ஆண்டுகளாக கொரோனாவுக்கு எதிரான போரில் மருத்துவர்கள் மற்றும் செவிலியர்களின் பங்கு அளப்பரியது. 
உலகெங்கும் உள்ள எண்ணற்ற மருத்துவர்களும், செவிலியர்களும் இரவு, பகல் பாராது உழைத்து நிலைமையைச் சரி செய்தனர். 

அவர்களது நற்சேவைக்கு நன்றி செலுத்தும் விதமாக உலகின் புகழ்பெற்ற பார்பி பொம்மைகள் தயாரிப்பு நிறுவனமான மெட்டல் இன்க் நிறுவனம், வெவ்வேறு நாடுகளைச் சேர்ந்த மருத்துவர்கள், செவிலியர்கள், சுகாதார ஊழியர்கள் என 6 பேரைத் தேர்வு செய்து, அவர்களது, உருவத்தில் பார்பி பொம்மைகளைத் தயாரித்து கவுரவித்துள்ளது. அதில் ஒருவர் தான் மருத்துவர் கிர்பி ஒயிட்.

கொரோனாவின் தாக்குதலில் உலகம் மிரண்டு போயிருந்தபோது, பி.பி.இ உடை தட்டுப்பாட்டால் மருத்துவ உலகம் தவித்தது. அப்போது களத்தில் இறங்கி பாதுகாப்பு உடைகளை மருத்துவமனை வளாகத்திலேயே தயாரித்தார் கிர்பி.  

ஆஸ்திரேலியாவின் விக்டோரியா மாகாணத்தில் உள்ள சார்ல்டன் எனும் சிறிய நகரத்தில் வளர்ந்தவர் மருத்துவர் கிர்பி ஒயிட். அவரது அம்மா ஆரம்பப் பள்ளி ஆசிரியர். அப்பா ரெயில்வே துறை ஊழியர். பள்ளிப்பருவத்தில் கிர்பியின் வகுப்பில் 10 மாணவர்கள் மட்டுமே உடன் படித்துள்ளனர். 

அதில் உயிரியல், இயற்பியல், வேதியியல் பாடப்பிரிவைத் தேர்வு செய்து படித்த ஒரே மாணவி கிர்பிதான். எளிய பின்னணியில் இருந்து வந்த அவருக்குக் கிடைக்கும் இன்றைய அங்கீகாரங்கள் அவர் எதிர்பாராதவை.

கொரோனாத் தொற்று பரவத் தொடங்கிய முதல் மூன்று வாரங்களில், மருத்துவ உலகம் என்ன செய்வது என அறியாது திக்குமுக்காடிப் போனது. அதிலும், மருத்துவர்கள், செவிலியர்களுக்கான பாதுகாப்பு உடை பற்றாக்குறைக்கு தீர்வு காண்பது பெரும் சவாலாக இருந்தது. 

விக்டோரியா மாகாணத்தின் பென்டிகோ எனும் சிறு நகரத்தில் பொதுநல மருத்துவராகப் பணிபுரிந்த கிர்பியும், அதே இக்கட்டான நிலையை எதிர்கொண்டார். நோயாளிகளுக்குச் சிகிச்சை அளிக்க வேண்டிய சூழலில், பி.பி.இ கிட்களுக்காகக் காத்திருக்காமல் பாதுகாப்பு உடைகளை அவரே வடிவமைத்துத் தைத்தார். மறுபயன்பாட்டிற்கு உட்படுத்தும் வகையில், பருத்தி துணிகளைப் பயன்படுத்தி வண்ணமிகு நிறங்களில் பாதுகாப்பு ஆடையைத் தயாரித்தார்.

மாகாணம் முழுவதும் நிலவி வந்த பி.பி.இ உடை பற்றாக்குறையினைப் போக்குவதற்கு, ‘கவுன் ஃபார் டாக்டர்ஸ்' என்ற பெயரில் கிரவுட்ஃபண்டிங் மூலம் ரூ.30 லட்சம் நிதி திரட்டி, பி.பி.இ ஆடைகளைத் 
தயாரித்தார். பாதுகாப்பு உடைகளைத் தைத்து அவற்றை மாகாணம் முழுவதும் உள்ள மருத்துவமனைகளுக்கு அனுப்பி வைத்தார். 

7 ஆயிரம் வண்ணமிகு பாதுகாப்பு உடைகளை அனுப்பி, மருத்துவர்கள் மற்றும் மக்களின் நன்மதிப்பைப் பெற்றார். அதற்காக, கடந்த ஆண்டு விக்டோரியா மாகாணத்தில் சிறந்து விளங்குபவர்களுக்காக வழங்கப்படும் ‘விக்டோரியா லோக்கல் ஹீரோ' விருதினையும் பெற்றார்.

தொடர்புடைய செய்திகள்

1. மலைவாழ் மக்களிடையே மாற்றம் ஏற்படுத்திய மகாலட்சுமி
கொரோனா காலத்தில் பள்ளி மாணவர்களுக்கு இணைய வழியாக வகுப்புகள் நடந்தன. ஆனால், ஸ்மார்ட்போன் வாங்கும் வசதி இல்லாத காரணத்தால் பழங்குடி மாணவர்களின் கல்வியில் தேக்கம் ஏற்பட்டது. அவர்களுக்கு மீண்டும் கல்வியின் மீது கசப்பு வந்துவிடக் கூடாது என எண்ணினேன். எனவே, மீண்டும் மாணவர்களைத் தேடி அவர்களின் வீடுகளுக்கே சென்று பாடங்களை எடுக்கத் தொடங்கினேன்.
2. அழகுக்கு அழகு சேர்க்கும் ‘லைட்-வெயிட்’ மேக்கப்!
முகத்துக்கு அழகு சேர்ப்பவை கண்கள். அவற்றை அழகுபடுத்துவதன் மூலம் மேக்கப் முழுமை பெறும். ஐ ஷேடோ, ஐ லைனர், மஸ்காரா போன்ற அழகு சாதனப் பொருட்களை பயன்படுத்தி கண்களின் அழகை அதிகரிக்கலாம்.
3. பேஷன் உலகில் கலக்கும் சந்தியா
சிறு வயதில் என் பள்ளி சார்பாக நடைபெற்ற ஆடை அலங்கார அணிவகுப்பு போட்டிக்காக தேர்ந்து எடுக்கப்பட்டேன். அதில் இருந்தே எனக்கு அழகாக ஆடை அணிவது மிகவும் பிடிக்கும். அதுவே நான் ஆடை வடிவமைப்பாளர் துறையை தேர்வு செய்ததற்கு எனக்கு தூண்டுதலாக இருந்தது.
4. பெண்களுக்கு எதிரான வன்முறை ஒழிப்பு தினம்
பெண்களுக்கு எதிரான வன்முறைகளில் 90 சதவிகிதம் நெருங்கிய உறவினர்கள், நண்பர்கள், உடன் இருப்பவர்கள், பணியிடம் மற்றும் பயிலும் இடங்களில் உள்ளவர்களால் ஏற்படுகிறது என கருத்துக் கணிப்புகள் தெரிவிக்கின்றன.
5. முத்தமிழ் வளர்க்கும் மணிமொழி
இயல், இசை, நாடகம் மூலமாக தமிழ்த்தொண்டு ஆற்றுவதே என் வாழ்நாள் லட்சியம். உயர்தனிச் செம்மொழியான தமிழ் மொழியின் அருமை இளைய தலைமுறைக்குத் தெரியவில்லை என்பது எனது ஆதங்கம். என் பேச்சு, கவிதை, பாடல் போன்றவற்றின் மூலம் தமிழை அவர்களிடம் கொண்டு சேர்க்க விரும்புகிறேன்.