மற்றவை

சேமிப்பை அதிகமாக்கும் ‘மினிமலிசம்’ + "||" + ‘Minimalism’ increases savings

சேமிப்பை அதிகமாக்கும் ‘மினிமலிசம்’

சேமிப்பை அதிகமாக்கும் ‘மினிமலிசம்’
மன அமைதி, மன நிறைவு ஆகியவை மினிமலிச வாழ்க்கை முறையின் துணை விளைப் பொருட்களாகும்.
குறைந்தபட்ச தேவைகளுடன் வாழ்வதே ‘மினிமலிச வாழ்க்கை முறை’. இதன் மூலம் வாழ்க்கையில் முக்கியமில்லாதவற்றை அகற்றி, மகிழ்ச்சியைத் தரும் விஷயங்களைப் பெறலாம்.

இதோ அதற்கான சில வழிமுறைகள்...

1. எதற்கு முக்கியத்துவம்?
மினிமலிச வாழ்க்கை முறையில் தேவையில்லாததைக் கைவிடுவதும், தேவை எது என்பதில் கவனம் செலுத்துவதும் முக்கியமானது. உதாரணமாக, உங்களுக்குப் பயணம் செய்வது பிடிக்கும். ஆனால், அதற்குப் பதிலாக, உங்களுக்குத் தேவையில்லாத பொருட்களை வாங்குவதற்காக ஷாப்பிங் மாலில் பல மணி நேரங்களைச் செலவழித்துக் கொண்டிருப்பீர்கள். இவ்வாறு ஷாப்பிங் செய்யச் செலவழிக்கும் உபரி நிதியை, பயணத்துக்காக சேமிக்கலாம். சேமிப்பு உங்களை மாற்றும். பயணம் உங்களுக்கு ஏராளமானதைக் கற்றுத் தரும். 

உங்கள் துணி அலமாரியை அலசுங்கள். அப்போது உங்களிடம் இருக்கும் துணிகளைப் பற்றி தெரிந்து கொள்வீர்கள். அதன் மூலம் தேவையில்லாமல் அதிகமான ஆடைகள் வாங்குவதைத் தவிர்ப்பீர்கள்.

உண்மையிலே உங்கள் வாழ்க்கைக்குத் தேவையானது என்ன? நீங்கள் செலவழிக்கும் பணம் அந்த மதிப்புகளுடன் ஒத்துப்போகிறதா? என்று சிந்தித்தால், எதற்கு முக்கியத்துவம் தர வேண்டும் என்று தெரிந்து கொள்வீர்கள்.

2. தள்ளுபடி பொறியிலிருந்து தப்புங்கள்
பல நேரங்களில், மக்கள் மலிவானவை; தள்ளுபடி போட்டிருக்கிறார்கள் என பொருட்களை வாங்கிக் குவிக்கிறார்கள். இந்தத் தள்ளுபடிப் பொறிகளில் சிக்கும்போது, இந்தப் பொருட்களை ஏன் வாங்குகிறோம் என்பது குறித்த சிந்தனை தள்ளிப்போய், அடுத்த விற்பனை எப்போது வரும்? எவ்வளவு தள்ளுபடியில் வாங்கலாம்? என்பதில் கவனம் போகும். குறைவானதே போதும் என்கிற மனநிலை, இத்தகைய பொறிகளிலிருந்து உங்களைத் தப்ப வைக்கும்.

3. கடனை விரைவாகச் செலுத்துங்கள்
தேவைப்படும் பொருட்களை மாதக் கடனில் வாங்குவதைத் தவிர்த்து, கடனில்லாமல் கையிலிருக்கும் காசைக் கொண்டு வாங்கலாம். அதுபோல், ஏற்கனவே வாங்கியிருந்த கடன்களை, சேமித்து வைத்திருக்கும் பணத்தை வைத்து அடைக்கலாம். இந்த முறையின் மூலம், வீட்டுக்கடனைக்கூட ஒரு தவணை அதிகமாக செலுத்தி கடன் தொைகயை குறைக்க முடியும்.

4. ஆடம்பரத்தைக் குறையுங்கள்
குடும்பத்தில் உள்ளவர்களின் எண்ணிக்கையை பொறுத்து வாடகை வீடு, வாகனம் மற்றும் பிற பொருட்களைத் தேர்ந்தெடுக்க வேண்டும். குறைந்த நபர்கள் கொண்ட குடும்பத்துக்கு பெரிய வீட்டை வாடகைக்கு தேர்ந்தெடுப்பது, பயன்பாடு குறைவாக இருந்தும் தேவையில்லாமல் வாகனங்கள் வாங்குவது போன்ற ஆடம்பரச் செலவுகளைத் தவிர்க்கலாம்.

5. மன நிறைவு
மன அமைதி, மன நிறைவு ஆகியவை மினிமலிச வாழ்க்கை முறையின் துணை விளைப் பொருட்களாகும். ஒழுங்கற்ற, சிந்தனையற்ற செலவினங்களைக் குறைப்பது மன அழுத்தத்தைக் குறைக்கும். தேவையான விஷயங்களுக்கு மட்டுமே பணத்தை செலவழிப்பதன் மூலம், நீங்கள் மகிழ்ச்சியையும் மன நிறைவையும் பெற முடியும்.

தொடர்புடைய செய்திகள்

1. மாதவிடாய் வலியைக் குறைக்கும் சுப்த பத்தகோனாசனம்
வடமொழியில் ‘சுப்த’ என்றால் ‘படுத்திருத்தல்’, ‘பத்த கோனாசனம்’ என்றால் ‘கட்டப்பட்ட ஆசன நிலை’ என்று பொருள். எனவே தான் இந்த ஆசனத்தை ‘சுப்த பத்தகோனாசனம்’ என அழைக்கிறார்கள்.
2. மாடலிங்கில் கலக்கும் கிராமத்து தேவதை - ஸ்டெபி கிட்டில்
கிராமத்தில் இருந்து வந்ததால், சாராசரி பெண்ணுக்கு இருக்கும் மேக்கப் நுணுக்கங்கள்கூட அப்போது எனக்கு தெரியாது. சரியாக மேக்கப் போடத் தெரியாது. மாடலிங், நடிப்பு போன்றவற்றில் பயிற்சி பெற்றது இல்லை. மிகவும் சிரமப்பட்டு ஒவ்வொன்றாகக் கற்றேன்.
3. ஓரிகாமி நகைகள்
ஓரிகாமி நகைகள் ஜப்பானியர்களின் காகிதக் கலை வடிவத்தை அடிப்படையாகக் கொண்டு உருவாக்கப்படுகின்றன.
4. நேரமின்மையால் உணர்வுகளை இழக்க வேண்டாம்..
நம் சுயநலத்துக்காகவும், பிற்காலத்தில் கிடைக்கப்போகும் சிறு பலனுக்காகவும் நிகழ்கால வாழ்வை மறந்து விடுகிறோம். கடிவாளம் கட்டிய குதிரையைப் போல, எதையோ நோக்கி, ஒரு நேர்கோட்டில் ஓடிக் கொண்டிருக்கிறோம்.
5. பெண்களை அதிகம் பாதிக்கும் ஒற்றைத் தலைவலி
ஆண்களை விட, பெண்களையே ஒற்றைத் தலைவலி அதிகம் பாதிக்கிறது. இது குறித்த மருத்துவ ஆய்வுகளின் அடிப்படையில், அதிக ஈஸ்ட்ரோஜன் அளவுக்கும், குறைவான சோடியம் புரோட்டான் எக்ஸ்சேஞ்சர் அளவுக்கும் உள்ள தொடர்பே இந்த மாறுபாட்டுக்குக் காரணமாக இருக்கலாம் என கூறப்படுகிறது.