இப்படிக்கு தேவதை

நீங்கள் உங்கள் பிள்ளைகள் மீது அதிக பாசம் வைத்திருப்பதால், அவர்களிடம் அளவுக்கு அதிகமான எதிர்பார்ப்புகளைக் கொண்டிருப்பீர்கள். சிறு குழந்தைகள் தவறுகள் செய்வது சகஜமானதுதான். சிறு சிறு தவறுகளை செய்வது அவர்கள் இயல்பாக வளர்ந்து வருகிறார்கள் என்பதைக் குறிக்கும். தவறுகளில் இருந்து கற்றுக்கொள்வதன் மூலம், அவர்கள் குணநலன்களுடன் கூடிய பெரியவர்களாக வளர முடியும்.

எந்த உறவிலும் ஒரு நபரால் மட்டுமே விரிசல் ஏற்படாது என்பதை நீங்கள் புரிந்து கொள்ள வேண்டும். உங்கள் மகன் உங்களிடம் நல்ல முறையில் நடந்துகொள்கிறார் என்று நீங்கள் கூறியதில் இருந்தே, உங்கள் மருமகள் அவரை உங்களுக்கு எதிராக மாற்றுவதற்கு எந்த முயற்சியும் செய்யவில்லை என்பது தெளிவாகிறது.

உங்கள் மருமகள் வேறு ஒரு சூழ்நிலையில் வளர்ந்தவர். புகுந்த வீட்டின் புதிய சூழல், உறவுகள், நடத்தை முறைகள் ஆகியவற்றுடன் பழகி வருகிறார். இந்த மாற்றத்தில் அவருக்கு வேண்டிய ஆதரவை வழங்குங்கள். வெளிப்படையாகப் பேசி பழகுங்கள். உங்கள் உறவின் அடிப்படையில் அவருக்கு கடினமாக இருப்பவற்றை எளிதாக்குவதற்கு உதவுங்கள். தனிப்பட்ட வேறுபாடுகளை ஒப்புக்கொள்வது நெருங்கிய உறவுகளில் இணக்கமாக மாறுவதற்கு மிகவும் முக்கியமானது.

உங்கள் மருகளின் செயல்பாடுகள் நீங்கள் ஏற்றுக்கொள்ள முடியாதபடி இருக்கும்போது, அவரை உட்காரவைத்து பொறுமையாக பேசுங்கள். நல்ல நண்பரை போல அவரது சிரமங்களை போக்குவதற்கு ஆதரவு வழங்குங்கள். மாறாக ஆதிக்கம் செலுத்தவும், கட்டுப்படுத்தவும் முயற்சிப்பது உறவில் விரிசலை அதிகப்படுத்தும். 

அவளுக்கு உங்கள் அன்பை அதிகமாக கொடுங்கள். அவளிடம் நல்ல மாற்றங்களை காணும்போது பாராட்டுங்கள். அவளும் உங்களை கொண்டாடத் தொடங்குவாள்.