இப்படிக்கு தேவதை

உங்கள் கணவர் தனது அன்பைக் காட்டும் விதத்தை உங்களால் புரிந்து கொள்ள முடியாமல் இருக்கலாம். நீங்கள் நேசிக்கப்படுவதை உணர அவர் என்ன செய்ய வேண்டும்? இருவரின் தேவை என்ன என்பதைப் பற்றி ஒருவருக்கொருவர் வெளிப்படையாகப் பேசுங்கள். நேரம் செலவிடுதல், அன்பான வார்த்தைகள், சிறு பரிசுகள் என நீங்கள் காதலித்தபோது, மனதில் நிழலாடிய மகிழ்ச்சியான தருணங்களை நினைத்துப் பாருங்கள். அவற்றுக்கு காரணமாக இருந்தது எது? திருமணத்திற்குப் பிறகு, குறிப்பாக குழந்தை பிறந்த பிறகு நீங்கள் இருவரும் செய்யத் தவறியது எது? என்பதை மனம் விட்டுப் பேசி தெரிந்துகொள்ளுங்கள். வாக்குவாதங்கள், மோதல்கள், கோரிக்கைகள் போன்றவற்றை தவிர்த்து உங்கள் உறவில் இருக்கும் நேர்மறை விஷயங்களில் கவனம் செலுத்துங்கள். நீங்கள் இவை அனைத்தையும் முயற்சித்திருந்தால், அவற்றால் பலன் இல்லை என உணர்ந்தால், கணவன்-மனைவி உறவில் ஆலோசனைகள் வழங்கும் நிபுணரை அணுகுங்கள்.