ஆளுமை வளர்ச்சி

மனதுக்கு மகிழ்ச்சி அளிக்கும் ‘சேவை’ + "||" + heartfelt service by indhira sundaram

மனதுக்கு மகிழ்ச்சி அளிக்கும் ‘சேவை’

மனதுக்கு மகிழ்ச்சி அளிக்கும் ‘சேவை’
மகளிர் தினத்தை முன்னிட்டு புற்றுநோயால் பாதிக்கப்பட்ட பெண்களுக்கு இலவசமாக விக் செய்து கொடுப்பதற்காக 350 பெண்களிடம் இருந்து ‘முடி தானம்’ பெற்று வழங்கினேன். அந்த நிகழ்வு மனதுக்கு மிகுந்த மகிழ்ச்சியை வழங்கியது.
ளியவர்களுக்கு உதவி செய்வதை தனது கடமையாகக் கொண்டு செயல்படுகிறார் திருப்பூரைச் சேர்ந்த இந்திரா சுந்தரம். கல்வி, மருத்துவம், ஆதரவற்றோர்களுக்கு வாழ்வாதாரத்தை மீட்பதற்கு தொழில் கருவிகள் வழங்குதல், சாலையோரம் வசிக்கும் மக்களுக்கு தினசரி உணவு அளித்தல் என பல்வேறு தளங்களில் தனது சேவையை தொடர்ந்து வருகிறார். அவரது பேட்டி.

“எனது சொந்த ஊர் திருச்சி. திருமணத்துக்கு பிறகு திருப்பூருக்கு வந்தேன். பள்ளியில் படிக்கும்போதே செஞ்சிலுவை சங்கத்தில் சேர்ந்து பணியாற்றினேன். என் அம்மா, யார் என்ன உதவி தேவை என்று கேட்டாலும் உடனே செய்ய முயற்சிப்பார். அவரைப் பார்த்துதான் ஏழ்மை நிலையில் உள்ளவர்களுக்கு உதவி செய்ய வேண்டும் என்ற எண்ணம் ஏற்பட்டது.

எத்தகைய சேவைகளை செய்து இருக்கிறீர்கள்?

புயல் மற்றும் வெள்ளத்தால் பாதிக்கப்பட்ட குடும்பங்களுக்குத் தேவையான அரிசி, சமையல் பொருட்கள், உடைகள் போன்ற அத்தியாவசியப் பொருட்கள் வழங்குவது, வசதியற்ற ஏழை மக்களுக்கு கண் பரிசோதனை செய்து இலவச கண்ணாடிகள் வழங்குவது, ஆதரவற்றோரின் மருத்துவ சிகிச்சைக்கு நிதி உதவி அளிப்பது, அறக்கட்டைளைக்கு ஆம்புலன்ஸ் வாகனம் வழங்குவது, பெண்களுக்கு தையல் இயந்திரங்கள், இஸ்திரி பெட்டிகள் போன்ற வாழ்வாதாரத்திற்கு தேவையான அடிப்படை உதவிகளைச் செய்வது, பண்டிகை காலங்களில் சாலையோரம் வசிக்கும் மக்களுக்கு உடைகள் வழங்குவது, திருநங்கைகளுக்கு அத்தியாவசியப் பொருட்கள் வழங்குவது என பல உதவிகளை செய்து வருகிறேன்.



நீங்கள் செய்த உதவியில் உங்கள் மனதுக்கு மிகவும் மகிழ்ச்சி அளித்தது பற்றி கூறுங்கள்?

மகளிர் தினத்தை முன்னிட்டு புற்றுநோயால் பாதிக்கப்பட்ட பெண்களுக்கு இலவசமாக விக் செய்து கொடுப்பதற்காக 350 பெண்களிடம் இருந்து ‘முடி தானம்’ பெற்று வழங்கினேன். அந்த நிகழ்வு மனதுக்கு மிகுந்த மகிழ்ச்சியை வழங்கியது.

கொரோனா காலகட்டத்தில் தங்களது பணி பற்றி கூறுங்களேன்?

கொரோனா ஊரடங்கு காலத்தில், சாலையோர ஆதரவற்றவர்கள் மற்றும் எளிய மக்களுக்கு தினசரி உணவு, முன் களப் பணியாளர்களுக்கு கபசுரக் குடிநீர், முக கவசங்கள், மாற்றுத்திறனாளிகள், திரு நங்கைகள் மற்றும் ஆதரவற்றோர் குடும்பங்களுக்கு அரிசி, மளிகைப்பொருட்கள் மற்றும் அத்தியாவசியப் பொருட்கள் வழங்கினோம்.

இந்த பணிகளுக்கெல்லாம் நிதி எங்கிருந்து திரட்டுகிறீர்கள்?

நான் இதுவரை யாரிடமிருந்தும் பண உதவி பெற்றதில்லை. எனது வருமானத்தில் இருந்தும், சேமிப்பில் இருந்தும்தான் செய்து வருகிறேன் என்று கூறி வியக்க வைத்தார் இந்திரா சுந்தரம்.

தொடர்புடைய செய்திகள்

1. மலைவாழ் மக்களிடையே மாற்றம் ஏற்படுத்திய மகாலட்சுமி
கொரோனா காலத்தில் பள்ளி மாணவர்களுக்கு இணைய வழியாக வகுப்புகள் நடந்தன. ஆனால், ஸ்மார்ட்போன் வாங்கும் வசதி இல்லாத காரணத்தால் பழங்குடி மாணவர்களின் கல்வியில் தேக்கம் ஏற்பட்டது. அவர்களுக்கு மீண்டும் கல்வியின் மீது கசப்பு வந்துவிடக் கூடாது என எண்ணினேன். எனவே, மீண்டும் மாணவர்களைத் தேடி அவர்களின் வீடுகளுக்கே சென்று பாடங்களை எடுக்கத் தொடங்கினேன்.
2. அழகுக்கு அழகு சேர்க்கும் ‘லைட்-வெயிட்’ மேக்கப்!
முகத்துக்கு அழகு சேர்ப்பவை கண்கள். அவற்றை அழகுபடுத்துவதன் மூலம் மேக்கப் முழுமை பெறும். ஐ ஷேடோ, ஐ லைனர், மஸ்காரா போன்ற அழகு சாதனப் பொருட்களை பயன்படுத்தி கண்களின் அழகை அதிகரிக்கலாம்.
3. பேஷன் உலகில் கலக்கும் சந்தியா
சிறு வயதில் என் பள்ளி சார்பாக நடைபெற்ற ஆடை அலங்கார அணிவகுப்பு போட்டிக்காக தேர்ந்து எடுக்கப்பட்டேன். அதில் இருந்தே எனக்கு அழகாக ஆடை அணிவது மிகவும் பிடிக்கும். அதுவே நான் ஆடை வடிவமைப்பாளர் துறையை தேர்வு செய்ததற்கு எனக்கு தூண்டுதலாக இருந்தது.
4. உலக நீரிழிவு நோய் தினம்
நீரிழிவு நோயால் அதிகரித்து வரும் உடல் நல பிரச்சினைகள் குறித்த விழிப்புணர்வை ஏற்படுத்துவதற்கு உலக நீரிழிவு நோய் கூட்டமைப்பும், உலக சுகாதார நிறுவனமும் இணைந்து ‘உலக நீரிழிவு நோய் தின’த்தை அறிவித்தது. 1991-ம் ஆண்டு முதல், ஒவ்வொரு ஆண்டும் நவம்பர் மாதம் 14-ந் தேதி இத்தினம் கடைப்பிடிக்கப்படுகிறது.
5. அடம்பிடிக்கும் குழந்தைகளை அசத்தும் ‘உணவு ஓவியம்’
உணவு ஓவியங்கள் வடிவமைப்பதற்கு பொறுமையும், ஆர்வமும் தேவை. ஒரு ஓவியத்தை வடிவமைப்பதற்கு ஒன்று முதல் ஒன்றரை மணி நேரம் ஆகலாம். எனக்கு இது சிரமமாகத் தெரியவில்லை, சந்தோஷமாக இந்த நேரத்தைச் செலவிடுகிறேன்