பொழுதுபோக்கு

எல்லோருக்கும், எல்லாமும் கிடைக்க வேண்டும்- நடிகை சவுமியா + "||" + everyone should get everything- actress sowmiya

எல்லோருக்கும், எல்லாமும் கிடைக்க வேண்டும்- நடிகை சவுமியா

எல்லோருக்கும், எல்லாமும் கிடைக்க வேண்டும்- நடிகை சவுமியா
சமைப்பது பிடிக்கும். ஆதரவற்ற விலங்குகளுக்கு உதவி வருகிறேன். நேரம் கிடைக்கும்போது துணிகள் தைப்பதிலும், எம்பிராய்டரி போடுவதிலும் ஈடுபடுவேன். திறமைக்கேற்றபடி எல்லாருக்கும் எல்லாமும் கிடைக்க வேண்டும் என நினைப்பது என் சுபாவம்.
டிப்பு ஒரு பக்கம், குத்துச்சண்டை மற்றொரு பக்கம் என கலக்கிக் கொண்டிருக்கிறார் சவுமியா. அவரிடம் பேசினோம்...

* உங்களைப் பற்றி?

சொந்த ஊர் கேரளா. அப்பா சசிக்கு டிரைவர் பணி. சொந்தமாக சினிமாவுக்கான புரொடக்‌ஷன் வேன் மற்றும் கார் வைத்திருந்தார். அம்மா பிரசன்னா. கணவர், குடும்பம், குழந்தைகள் என சுற்றிச் சுழல்பவர். அப்பா சினிமா பின்னணியில் வேலை பார்த்த காரணத்தால் எனக்குச் சிறுவயதிலேயே நடிப்பின் மீது ஆர்வம் வந்தது. அப்போதே நடிக்கவும் தொடங்கினேன்.

* கிடைத்த வாய்ப்புகள் பற்றி?

ஆரம்ப காலத்தில் தொலைக்காட்சித் தொடர்களில் நடித்தேன். சேரன் இயக்கிய ‘தேசியகீதம்' படத்தில் வாய்ப்பு கிடைத்து திரைத்துறைக்குள் வந்தேன். அதன்பிறகு ‘சித்தி', ‘அண்ணாமலை', ‘செல்வி' என நடிகை ராதிகாவின் நிறுவனம் தயாரித்தவை, மற்றும் பாலுமகேந்திராவின் ‘கதை நேரம்', பாலசந்தரின் இயக்கத்தில் ‘ஜன்னல்' உள்ளிட்ட பல தொலைக்காட்சித் தொடர்களில் நடித்தேன். 

அந்த வகையில் கிட்டத்தட்ட 50-க்கும் மேற்பட்ட தொடர்களில் நடித்துள்ளேன். பாலசந்தர், பாலுமகேந்திரா போன்றவர்களின் இயக்கத்தில் நடித்திருப்பது பெருமிதமாக இருக்கிறது.

* மீண்டும் திரைப்பட வாய்ப்பு...?

‘திருப்பாச்சி' படத்தில் நடித்தேன். நடிப்போடு படிப்பும் தொடர்ந்தது. பி.பி.ஏ. முடித்த பின்பு ஃபேஷன் டிசைனிங் முடித்தேன்.

* நடிப்புக்கு இடைவெளி விட்டது ஏன்?

திருமணம், இரண்டு குழந்தைகள் என குடும்பப் பொறுப்புகளில் மூழ்கிவிட்டேன். காலப்போக்கில் திருமண பந்தத்தில் சில சிக்கல்கள் ஏற்பட்டதால் கணவரைப் பிரிந்து குழந்தைகளோடு வசிக்கிற சூழல் ஏற்பட்டது. அந்த மன உளைச்சலில் இருந்து என்னை நானே மீட்டு எடுப்பதற்கு என்ன செய்யலாம் என யோசித்தேன்.

எனக்கு பள்ளிப் பருவத்தின்போது விளையாட்டுகளில் ஆர்வம் இருந்தது. கராத்தே உள்ளிட்ட தற்காப்புக் கலைகளையும் கற்றுக் கொண்டேன். அதேபோல் என் பிள்ளைகளையும் படிப்போடு விளையாட்டிலும் திறமைசாலிகளாக உருவாக்க வேண்டும் என்ற எண்ணம் உருவாகி அது லட்சியமாக மாறியது.



அதற்கான முயற்சியில் இறங்கி பிள்ளைகளுக்கு பயிற்சி கொடுக்க ஆரம்பித்தேன். அப்போது என் ஈடுபாட்டைப் பார்த்து குத்துச்சண்டை பயிற்சியாளர், போட்டிகளில் பங்கேற்பதற்கு என்னை ஊக்குவித்தார். ‘ஹெவி வெயிட்' சாம்பியனாக உருவாகுவதற்கு பயிற்சியளித்தார். மாநில அளவிலான குத்துச்சண்டை போட்டிகளில் பங்கேற்று வெண்கலப் பதக்கம் வென்றேன். 

அடுத்தாக தேசிய அளவிலான போட்டிகளுக்குத் தயாரானேன். பயிற்சியின்போது பளுதூக்கி என் தோள்பட்டையில் காயம் ஏற்பட்டது. அதையடுத்து ஆறு மாத காலம் ஓய்வெடுக்க வேண்டியிருந்தது. பின்பு ‘ருத்ரதாண்டவம்' படத்தில் வாய்ப்பு கிடைத்தது. அதில் எனது நடிப்புக்கும் வரவேற்பு கிடைத்தது. 

‘டப்பாங்குத்து' என்ற படத்தில் நடித்துள்ளேன். விரைவில் அந்தப் படம் வெளியாகும். குத்துச்சண்டையில் தேசிய அளவிலான போட்டிகளில் பங்கேற்பதற்கான பயிற்சியும் தொடர்கிறது. ஈட்டி எறிதல் போட்டிகளில் பங்கேற்கவும் தயாராகி வருகிறேன்.

* மனதுக்குப் பிடித்தவை?

சமைப்பது பிடிக்கும். ஆதரவற்ற விலங்குகளுக்கு உதவி வருகிறேன். நேரம் கிடைக்கும்போது துணிகள் தைப்பதிலும், எம்பிராய்டரி போடுவதிலும் ஈடுபடுவேன். திறமைக்கேற்றபடி எல்லாருக்கும் எல்லாமும் கிடைக்க வேண்டும் என நினைப்பது என் சுபாவம். 

தொடர்புடைய செய்திகள்

1. மலைவாழ் மக்களிடையே மாற்றம் ஏற்படுத்திய மகாலட்சுமி
கொரோனா காலத்தில் பள்ளி மாணவர்களுக்கு இணைய வழியாக வகுப்புகள் நடந்தன. ஆனால், ஸ்மார்ட்போன் வாங்கும் வசதி இல்லாத காரணத்தால் பழங்குடி மாணவர்களின் கல்வியில் தேக்கம் ஏற்பட்டது. அவர்களுக்கு மீண்டும் கல்வியின் மீது கசப்பு வந்துவிடக் கூடாது என எண்ணினேன். எனவே, மீண்டும் மாணவர்களைத் தேடி அவர்களின் வீடுகளுக்கே சென்று பாடங்களை எடுக்கத் தொடங்கினேன்.
2. அழகுக்கு அழகு சேர்க்கும் ‘லைட்-வெயிட்’ மேக்கப்!
முகத்துக்கு அழகு சேர்ப்பவை கண்கள். அவற்றை அழகுபடுத்துவதன் மூலம் மேக்கப் முழுமை பெறும். ஐ ஷேடோ, ஐ லைனர், மஸ்காரா போன்ற அழகு சாதனப் பொருட்களை பயன்படுத்தி கண்களின் அழகை அதிகரிக்கலாம்.
3. பேஷன் உலகில் கலக்கும் சந்தியா
சிறு வயதில் என் பள்ளி சார்பாக நடைபெற்ற ஆடை அலங்கார அணிவகுப்பு போட்டிக்காக தேர்ந்து எடுக்கப்பட்டேன். அதில் இருந்தே எனக்கு அழகாக ஆடை அணிவது மிகவும் பிடிக்கும். அதுவே நான் ஆடை வடிவமைப்பாளர் துறையை தேர்வு செய்ததற்கு எனக்கு தூண்டுதலாக இருந்தது.
4. பெண்களுக்கு எதிரான வன்முறை ஒழிப்பு தினம்
பெண்களுக்கு எதிரான வன்முறைகளில் 90 சதவிகிதம் நெருங்கிய உறவினர்கள், நண்பர்கள், உடன் இருப்பவர்கள், பணியிடம் மற்றும் பயிலும் இடங்களில் உள்ளவர்களால் ஏற்படுகிறது என கருத்துக் கணிப்புகள் தெரிவிக்கின்றன.
5. முத்தமிழ் வளர்க்கும் மணிமொழி
இயல், இசை, நாடகம் மூலமாக தமிழ்த்தொண்டு ஆற்றுவதே என் வாழ்நாள் லட்சியம். உயர்தனிச் செம்மொழியான தமிழ் மொழியின் அருமை இளைய தலைமுறைக்குத் தெரியவில்லை என்பது எனது ஆதங்கம். என் பேச்சு, கவிதை, பாடல் போன்றவற்றின் மூலம் தமிழை அவர்களிடம் கொண்டு சேர்க்க விரும்புகிறேன்.