மாவட்ட செய்திகள்

நூலகம், தார்சாலை வசதி கேட்டு கோரிக்கை அட்டைகளுடன் வந்து கலெக்டரிடம் வாலிபர் சங்கத்தினர் மனு + "||" + The library has been requested by the Commissioner for Compliance with request cards to request the library

நூலகம், தார்சாலை வசதி கேட்டு கோரிக்கை அட்டைகளுடன் வந்து கலெக்டரிடம் வாலிபர் சங்கத்தினர் மனு

நூலகம், தார்சாலை வசதி கேட்டு கோரிக்கை அட்டைகளுடன் வந்து கலெக்டரிடம் வாலிபர் சங்கத்தினர் மனு
நூலகம், தார்சாலை வசதி கேட்டு கோரிக்கை அட்டைகளுடன் வந்து கலெக்டரிடம் வாலிபர் சங்கத்தினர் மனு கொடுத்தனர்.
சேலம்,

சேலம் கலெக்டர் அலுவலத்தில் பொதுமக்கள் குறைதீர்க்கும் கூட்டம் நேற்று நடைபெற்றது. கூட்டத்திற்கு கலெக்டர் ரோகிணி தலைமை தாங்கினார். இவரிடம் மாவட்டத்தின் பல்வேறு பகுதிகளில் இருந்து வந்திருந்த பொதுமக்கள் குடிநீர், சாலை, வேலைவாய்ப்பு உள்ளிட்ட கோரிக்கைகளை வலியுறுத்தி மனுக்களை கொடுத்தனர்.


பின்னர் கலெக்டர் ரோகிணி, மனுக்கள் மீது உரிய விசாரணை நடத்தி நடவடிக்கை எடுக்க சம்பந்தப்பட்ட அதிகாரிகளுக்கு உத்தரவிட்டார். முன்னதாக கலெக்டர் அலுவலக தரைதளத்தில் மாற்றுத்திறனாளிகளிடம் குறைகளை கேட்டறிந்து, மனுக்களை கலெக்டர் ரோகிணி பெற்றார். மேலும் அவர்களுக்கு நலத்திட்ட உதவிகளையும் கலெக்டர் வழங்கினார்.

சேலம் ஜனநாயக வாலிபர் சங்கத்தினர் கோரிக்கை அட்டைகளுடன் வந்து கலெக்டரிடம் மனு கொடுத்தனர். அதில், அன்னதானப்பட்டியில் உள்ள மாநகராட்சி நடுநிலைப்பள்ளி அருகே 30 ஆண்டுக்கு முன்பு சேலம் நகராட்சியாக இருந்தபோது செயல்பட்டு வந்த நூலகம் தற்போது பாழடைந்த கட்டிடமாக காட்சியளிக்கிறது.

அதே பகுதியில் உள்ள பழனியப்பா காலனி, ராமசாமி தெரு, முனிசாமி தெரு, அகத்தியர் தெரு, கண்ணகி தெரு, மாரியம்மன் கோவில் மெயின்ரோடு போன்ற பகுதிகளில் 10 ஆண்டுகளுக்கு முன்பு இருந்த தார்சாலை பழுதடைந்து, மழைக்காலங்களில் சேறும் சகதியுமாக உள்ளதால் மக்கள் பயன்படுத்த முடியாத நிலையில் உள்ளது. நூலகத்தை அமைத்து, இப்பகுதி குழந்தைகளுக்கு உதவும் விதமாகவும், தார்சாலை அமைத்திட நடவடிக்கை எடுக்க வேண்டும், என கூறப்பட்டு இருந்தது.

சூரமங்கலம் அருகே உள்ள ஆண்டிப்பட்டி பகுதி பொதுமக்கள் கொடுத்த மனுவில், போடிநாயக்கன்பட்டி, காட்டூர், அண்ணாநகர், வேடுகாத்தாம்பட்டி உள்ளிட்ட பகுதிகளின் வழியாக 224-எண் கொண்ட ரெயில்வே பாலத்தை விரிவுப்படுத்தும் பணி தொடங்கியது. இந்த பணி 6 மாதத்திற்கு மேலாகியும் முடிவடையாமல் பாதியிலேயே நிறுத்தி விட்டனர். இதனால் பொதுமக்கள் பாதிக்கப்பட்டு வருகிறார்கள். இதை சரிசெய்ய நடவடிக்கை எடுக்க வேண்டும், என கூறியுள்ளனர்.


தொடர்புடைய செய்திகள்

1. சேலத்தில் பரபரப்பு: கிணற்றில் இளம்பெண் பிணம் - கொலையா? போலீஸ் விசாரணை
சேலத்தில் இளம்பெண் கிணற்றில் பிணமாக மிதந்தது பரபரப்பை ஏற்படுத்தியுள்ளது. அவர் கொலை செய்யப்பட்டாரா? என போலீசார் விசாரணை நடத்தி வருகிறார்கள்.
2. கூட்டு குடிநீர் குழாய் உடைந்து வீணாகும் தண்ணீர் நடவடிக்கை எடுக்க பொதுமக்கள் கோரிக்கை
வாய்மேடு அருகே கூட்டு குடிநீர் குழாய் உடைந்து வீணாக செல்லும் தண்ணீரை உடனே சீரமைக்க நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.
3. சேலம்: மின்பகிர்மான வட்டத்தில் மின்தடை குறித்து புகார் தெரிவிக்க தானியங்கி கட்டணமில்லா சேவை - 22-ந் தேதி முதல் அமலுக்கு வருகிறது
சேலம் மின்பகிர்மான வட்டத்தின் அனைத்து பகுதிகளிலும், மின்தடை குறித்து புகார் தெரிவிக்க தானியங்கி கட்டணமில்லா சேவை வருகிற 22-ந் தேதி முதல் அமலுக்கு வருகிறது.
4. சேலம்: காதலனுடன் சேர்த்து வைக்கக்கோரி பட்டதாரி பெண் போலீசில் தஞ்சம்
கணவர் கட்டிய தாலியை கழற்றி விட்டு வந்த பட்டதாரி பெண் தன்னை காதலனுடன் சேர்த்து வைக்கக்கோரி போலீசில் தஞ்சம் அடைந்தார்.
5. சேலம்: பெண் மீது திராவகம் வீச்சு - கள்ளக்காதலன் கோர்ட்டில் சரண்
சேலத்தில் பெண் மீது திராவகம் வீசிய கள்ளக்காதலன் கோர்ட்டில் சரண் அடைந்தார்.